Guwahati, August 25: Assam a•dokni dam 12 ba 14 a•jarangon Assamese manderang komigipa jatrang ong•a ine anga changni chang aganahachim. Uamang iandakgipa ong•gija kamrangko ka•enba ua jolo songdonggipa manderangko kenjagokate ia biapko wate katchinasa dakenga.
Ian me•chikrangni kosako ong•gija dakanisan ong•ja indiba a•arangko sekdrana ja•ku de•ani kamsa. Maina iandakgipa kamrangko dakanichi ua jolo songdongenggipa manderang kena gnang janggi tangna nangao ga•akengaha. Battanggimin bilsi 10 ba bilsi 15-rangnan uamang ia indakgipa kamrangko ka•baengaha, inenba Assam a•dokni Skotong Minister Himanta Biswa Sarma, Sonibar salo Guwahati-ni Vajpayee Bhawan-o kobor ra•timgiparangna aganangaha.
Skotong Minister Himanta Biswa Sarma, skanggipa uamang ong•gija kamrangko ka•gen jamano ua jolo songdonggipa Assamese manderangni gisiko kenaniko napatgen aro indake nokdang ge•sa ge•sa dake ua biapko wate kattokgnok, inenba aganangaha.
Da•o ia Dhing-o ong•a obostaba, ua jolo songdonggipa Assamese manderangni kosako aiao inmanpilgipa sinjetanirangko on•angaha.
Dhing Batadrava ian Mahapurush Shrimant Shankardev-ni atchiram song ong•a aro ia jolo 90% mangni gita Assamese manderang iano songdong achagiparang ong•achim, indiba da•alo uno songdongenggipa Assamese manderang 10% mangni gitasanjok, maina ua biapo iandakgipa niam pe•ani aro ong•gija dakgipa kamrangko ka•giparang da•oba ong•kuengani gimin manderang nokrangko wate kate katokaha, a•a chiarangko pale ong•katokaha. Indake Assamese manderangni watanggipa bangbang biaprangko manderang a•kange ra•skaaha.
Pilak obosta-rangko niatgenchim ong•ode, battanggimin bilsirango mongsongbate Dhing-o Assamese manderangko ua biapko watchina gita pangnan sinjetanirangko on•aniko nikna gita man•gen. Ia til•ekdraani aro kragija kal•akanirangara me•chikrangni kosako ong•gija dakanisan ong•ja indiba, ua jolo songdongenggipa manderangko a•rikgalani kamo silchidare gitasa jakkalenga.
Na·simang ia video-koba nina man·gen:
Na·simang iakoba poraina man·gen: Ticket palani 2-gipa phase-o ticket-rang bon•changpila
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
