Shillong, Jan 8: Assam aro Meghalaya a•dokni gisepo Brahmaputra chibimako kabatenggipa Dhubri-Phulbari dolongko manchisogimin gitan rikengaha aro ia dolongko re•baenggipa 2028 bilsini gisepon matchotna ka•dongenga ine Budbar salo, a•dokni Cabinet Minister aro Phulbari MLA Abu Taher Mondal parakataha.
Mondal-ni aganani gitade, ia dolongko rikanio Assam-chipaknide ge 34-35 krongrangko songmanahani gimin kamrang ta•rakbatenga indiba Meghalaya a•dokchipakni kamrang on•tisa ka•sinbatenga.
Meghalaya a•dokchipakni rikenggipa dolongni bakrangko ua nieaha ine janapatengon, maming a•selrang ong•jagenchimode ia dolongko somoi gitan matchotatna official-rang ka•dongenga ine Mondal aganaha.
Ia Dhubri-Phulbari dolongko rikanichi salgro salaram jol gimiknan dingtanganiko ra•bana man•gnok ine janapatengon, a•bachengonin ia dolongko matchotatna a•dokni Chief Minister Conrad K Sangma ku•rang on•dilaha aro ia dolongko rika matchotahaode, ian sepangbatgipa rama ong•engahani gimin bang•bata gari gorarangan ia dolong gitasa Guwahati aro a•songni gipin biaprangona re•tokgnok ine Mondal aganaha.
Mondal-ni aganani gitade, ia dolongni bakroaniara kilometer 19.3 ong•ani gimin ian a•songo bakrobatsranggipa river bridge ba chibimako kabatgipa dolong ong•naba gnang ine chanchichipenga.
Na·simang ia video-koba nina man·gen:
Na·simang iakoba poraina man·gen: M’laya-o HMPV-ko man•giparang dongkuja: Sampath Kumar
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
