Guwahati, Mar 24: Assam a·dokni Skotong Minister Himanta Biswa Sarma, salgittamna uni Dibrugarh a·jaona re·angaoni Robibar salo re·bapilaha.
Uni social media account X-o, uni salgittamna Dibrugarh a·jaona re·angaoni re·bapilani bidingo janapengon, uni re·angani miksonganiara, Dibrugarh a·jani manderang baksa sorkari aro administration-ko sepangbatatna miksonge re·angani ong·a aro iako chu·sokatna gita dingtang dingtang ja·kurangko a·bachengataha jekai, Chief Minister-ni Secretariat-ko jakkalna a·bachengatani, Assam Assembly Campus-ko a·bachengatani aro Assam a·dokni gnigipa skotong songna ja·ku de·anian ong·a ine parakataha.
Dibrugarh a·jako mongsongbate tariengani gimin janapatengon, ian Virasat aro Vikas-ko mangrakbatatna sorkarini kam ka·engani ong·a. Dibrugarh a·jaan India a·songo karkanarangko a·bachengatgiparangoni ja·pang ong·a aro skanggipa Rail ramako aro rel gariko mang·chenggiparangoni damsa ong·a aro uasan ong·aigija cha, bol, to aro koila badingchiwalaniko dakani mongsonggipa biap ba ong·a. Indake ong·genchimoba, iarang ru·uta bilsirangni gisepon gimaangaha, uni gimin sorkari dingtang dingtang dolrangko chimonge Dibrugarh a·jako niksengataina sorkari kam ka·enga ineba ua janapataha.
Uni salgittamna songreangani somoio, dol 60 baksa tom·e chanchirimaniko dakangaha, 29 e-files-ko a·bachengataha, ming 18 Assembly-ni sing·anirangna aganchakaha, king 109 chittirangko ra·chakaha aro Dibrugarh, Dhemaji, Dhakuakhana aro Demow-o ka·enggipa gong crore 3500 damni ming 500 Project-rangni bidingoba nipiltaianiko dakangaha ineba ua janapataha.
Uarangna agreba, rama jal·ang, flyover, rama highway, sorkarini building-rang, chi ban re·aniko champengsona ban kaani, bijoli station, kal·susaani, hospital, School-rangko rika cho·ani kamrangko ta·rakbatatchinaba Prime Minister aro Union Minister-na lekka sedoataha ineba ua parakataha.
Songjinmako namdapatna chanchisamsoani bidingo janapengon, jolo songdongenggipa manderangna nambata janggi tanganiko on·a man·a gita, nambata nok, rama jal·ang, bijoli, lekka pora skiani aro sanna bannaniko on·a tik ka·angaha aro uasan ong·aigija chi ban re·aniko champengsona gitaba chanchirimangaha. Ia chanchirimanio tarigimin nala aro gital tarienggipa nala aro chi salope galani pump aro mini super sucker-rangko ba nipiltaianiko dakangaha.
Kal·susaani aro rika cho·ani bidingo janapengon, ua Khanikar Stadium-ko nirokangaha aro Assam Legislative Assembly Complex aro MLA hostel-ko rikna manchisogipa biapkoba nipiltaianiko dakangaha ineba ua janapataha.
Karkanarangko namdapatna ja·ku de·engani bidingo janapengon, Brahmaputra Cracker aro Polymer Limited-ni chagrongenggipa neng·nikanirangko man·genchimoba ua karkanao kam ka·enggiparangni jotton ka·anichi chalaina man·enganina mitelpilskaaniko dakangaha.
Iarangna agreba, songsalo dilenggipa dolrang baksa chanchirimangaha aro uamangni neng·niksnirangko aro nangnikanirangko janapaniko knachakaha ineba Sarma janapataha.
Na·simang ia video-koba nina man·gen:
Na·simang iakoba poraina man·gen: Tura-ko a·dokni Winter Capital songchina GSU dabitaia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
