Dibrugarh, Mar 11: Sombar attamo, Dibrugarh Airport-o songre songgabatenggipa manderangni ra•bitenggipa bosturangko niengmiting somoio, Sambhu Dayal Sharma minggipa mande saksani jolonggaoniko 9mm guli rongsako man•aha.
Ia mandeara bading chiwale cha•gipa ong•a aro ua somoio ua IndiGo flight-o Rajasthan-ona re•angna siengachim.
Uni ra•bitenggipa bosturangko Airport-o chel•chakgipa sipai dolrang niengmitingo uni jolonggaoniko guli rongsako man•aha indiba ia gulini gimin ua mamingkoba ma•sija ine Sharma a•kangskaaha.
Ia mande, bading chiwale cha•gipa ong•ani gimin adita bilsirangna Arunachal Pradesh a•dokni Longding-o dongengachim aro Sombar attamo ua Dibrugarh Airport-oni Rajasthan-ona re•angna miksongengachim.
Iani bidingo kobor ra•timgipa manderang baksa agangrikengon, ia guli maikai uni jolonggaona sokbaaha ua mamingkon ma•sijaha ine Sharma aganaha.
Batanggimin somoirango, Arunachal Pradesh a•doko bobil dake chakatgipa dolrang, uoniko tangka dabirongachim ineba ua aganaha.
Indake ong•engon, iani bidingo sing•sandina gita Sharma-ko Mohanbari-ni police-rang rim•angaha.
Na·simang ia video-koba nina man·gen:
Na·simang iakoba poraina man·gen: Sakhi program-ni gita me·chikrangni bewal nikanio rongtal an·talaniko rakkina dakchakenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
