Dibrugarh, May 19: Dibrugarh Central Jail-o donako man·enggipa sak 52 koidirang, Mongolbar salo COVID-19-na porikka ra·anio positive ong·aha.
Koborko on·ani gitade, rim·ako man·e judicial custody-o donako man·enggipa ULFA bobil dolni dilgipa Jibon Moran-ba Dibrugarh Central Jail-o COVID-19 man·aha.
Da·o dipet Dibrugarh central jail-o gimik sak 530 koidirang gnang aro ia koidirangoni sak 223 koidirangko da·al porikka ra·anio mijal positive ong·gipa koidi saksako man·chape gimik sak 53 positive ong·aha. Sak 171 koidirangde COVID-19-na porikka ra·anio negative ong·skaaha.
Bangki dongkuenggipa koidirangkoba bakan porikka ra·e nianggen ine u·iatengon, positive ong·gipa koidi pilakkon dingtang donattokaha ine kobor on·timgiparang parakataha.
Mongolbar salsani gisepon Dibrugarh-o gimik sak 445 manderang COVID-19-na porikka ra·anio positive ong·aha aro apsan salon sakdok manderang COVID man·e siangskaaha.
