Dibrugarh, June 30 : Ports, Shipping & Waterways-ni Union Minister Sarbananda Sonuwal, da•al pringni bako, Brahmaputra-ni chio kenna nangani ine on•gipa chin-na bate chi-ni tang•doani badeahangahani gimin Dibrugarh songjinmao chi ban re•ani gimin robibar salo nipiltaianiko dakangaha.
Dibrugarh-o chi ban re•ani a•sel obostarang namjabatroroenba songjinmao songdonggipa manderang janggi tangna gita neng•nikanirangko man•engani bidingoba chanchirimaniko dakangaha.
Dibrugarh-ni MP Sarbananda Sonuwal-na, chi ban re•ani a•sel janggi tangna neng•nikanirangko man•enganiko man•a dipet komiatna gita sorkarini dingtang dingtang ja•ku de•anirangko dakenga inenba talate on•angaha. Tipchanggija mikkarang waani a•sel bang•a janggirang baksana gamjinrangko gimaatna nangengon, bang•bate gimaagnioniko komiatna gita official-rangko nangan salo ta•rake dakchakanirangko on•china gita aro nanggitikan somoiona ta•risamsoe dongchina gitaba ge•etaniko on•angaha.
“Dibrugarh Lok Sabha Constituency-ni ning•o chi ban re•anirang komijaengani a•sel ian namen jajrengna nangani ong•enga. Re•baenggipa sal somoirangoba mikkarang wakugen ine ka•dongsoengon, an•ching pilakan tarisamsoe dongna nanggen aro duko ga•akgipa manderangna nangan salo dakchakaniko on•a man•a gita biaprango nanggipa bosturangko donchina gitaba u•iatangaha. Da•alo chinga songjinmao chi ban re•ani a•sel duko ga•akgipa manderangna ka•dimeaniko on•a gita agan-golpogrikanikoba dakangaha,” inenba tom•ani matchota jaman Union Minister Sarbananda Sonuwal aganangaha.
Sarbananda Sonuwal, iani bidingo Dibrugarh-ni MLA Prashanta Phukan baksana, Dibrugarh Municipality Corporation (DMC)-ni daldalgipa official-rang chongmotan Mayor, Saikat Patra, Deputy Mayor Ujjwal Phukan, ward commissioner-rang aro gipin a•gipibatgipa official-rang baksaba agangrikaniko dakangaha. Jeon, Assam sorkarini Chief Secretary Ravi Kota, District Commissioner Bikram Kairi maangba bak ra•angoaaha.
Na·simang ia video-koba nina man·gen:
Na·simang iakoba poraina man·gen: Arunachal-o chi bananichi neng·nikanirangko man·enga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
