Dibrugarh, June 28: Dibrugarh-o songdongenggipa manderang, nalarango champenganiko man•e jokangna man•gijagipa chirang mongsong re•enggipa ramarango sikate dongani a•sel gnigipa salona kingking neng•nikanirangko man•engkua.
Dibrugarh-o nalarangko name tarijani a•sel chirang sikate dongna nangao ga•akenga jeni a•selan, manderangna bang•a neng•nikanirangko on•enga aro Dibrugarh Town Protection (DTP) nala-an, ia songjinmaoniko chi watgalani mongsonggipa nala-ba ong•a. Bang•bata nala-rangan plastic aro jabolrang gapani a•sel chi jokanganiko champengani ong•enga, uni gimin, nalarangko rongtalatjringna nangachim jekon department-ni gita chu•sokatjaenga ine Dibrugarh-o songdonggipa a•gipi mande saksa matnange aganaha.
Una agreba, iandakgipa neng•nikaniko on•enganiara skanggipa changna ong•jaha, maina 2015 aro 2020 bilsirangoba apsan dakgipa neng•nikaniko uamang chagrongangaha ineba ua janapataha.
Indake ong•engon, Dibrugarh Municipal Corporation-ni Mayor, Dr. Saikat Patra, DMC-ni kam ka•gipa dolrang baksa nalarangko rongtalatna a•bachengataha.
Batanggimin Bristibar salo ia obostani bidingo chanchirimaniko dakna gita Dibrugarh-ni District Commissioner, Bikram Kairi, District Commissioner-ni office-o rang•gitik tom•aniko dakataha.
Ia tom•anio Kairi, Dibrugarh-ni dingtang dingtang bakrango maini a•sel chi bana re•anirang ong•engachim, chanchirimaniko dakangenba, songjinmani nalarangko rongtalatjringna nangani gimin aro nalao sikonge dongenggipa chirangko watgale galna nangani gimin ua aganaha.
Indake, jak donggipa Department-rangko, culvert aro nalarango sikate dongenggipa jabolrangko ta•raken rongtalatchina aro nalarango jabol galanirangko champengsochinaba ua ge•etaniko on•angaha.
Na·simang ia video-koba nina man·gen:
Na·simang iakoba poraina man·gen: Me·chik saksako doktimolako CM jegalata, dokgiparangni kosako raka sinjetaniko on·na ku·rachaka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
