Dibrugarh, Jan 16 : Bristibar salo, sak ritchani ritcha cha bagan dake cha•gipa jatrang til•ekdrae so•otgala man•gipa bilsi 22 ong•gipa me•chikna kakket bichalko on•china dabienba, Lahowal police station-o jingjengataniko dakangaha.
Gimaenga ine koborko on•ani sal 4 jaman, chong•motan January jani 13 tariko, til•ekdrae so•otgala man•gipa me•chikni manggisiko misilbee mata buani dagirang baksa Sessa Chibimao balboe dongako man•aha.
Nokdangni manderangni aganani gitade, January jani 9 tariko ia til•ekdrae so•otgala man•gipa me•chikko bon•kame Lahowal-ni Timona-o donggipa uni mikchaenggipa me•asa Barun Murah baksa nikaha. U•iatani gitade, ia ong•a obosta Bakul Gaon Chapori Line jolo ong•aha.
January jani 9 tariko sianggipa me•chik uni mikchagipa Barun Murah baksa ong•katangaoni re•bapiljaha ine aganengon, January jani 13 tarikosa uni manggisiko chio balboe dongakosa man•aha aro uni abigipako Barun-an til•ekdrae so•otgalna nanga ine uamang chanchichipenga, ineba sianggipani nogipa u•iataha.
Gimaenggipa mandeko am•sandiani kamrangko nigalani aro name am•sandianiko ta•rake dakjani a•selsa ia a•selona sokaha ine jingjengatgipa dolrang police-rangni kosako matnangataha.
Ia gimaanina badi ka•a bikan am•sandianiko ta•rake dakatgenchim ong•ode ia ong•a obostako champengna gita man•genchim, maini gimin ta•rake ja•ku de•anirangko dakjaha? ine ka•o nangenggipa jingjengatgiparangoni saksa sing•doataha.
Bristibar salo, til•ekdrae so•otgala man•gipa nokdangni manderang Lahowal police station-o FIR-ko segatahachim. Jingjengatgipa dolrangni chrik a•bokanina aganchakani gita, Additional Superintendent of Police (HQ) Nirmal Ghosh, uamang matnanga man•gipa mandeko rim•enba sing•sandianirangkoba a•bachengataha ine aganan baksana, case-koba segataha aro am•sandie nianirangko dakengkua baksana post-mortem report-koba uamang sengengkua ineba ua parakataha.
Na·simang ia video-koba nina man·gen:
Na·simang iakoba poraina man·gen: Kokborok board exam-rangko seanio Roman oikor-ko jakkalchina TSF dabie jingjengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
