Dibrugrah, Sept 20: Bilsi 13na komigipa me·a bisa aro me·chik bi·sarangna Dibrugarh District Sports Association (DDSA)ni sokachakanio ong·atnasienggipa Yonex Sunrise All India Sub-Junior Ranking Badminton Tournament-o India a·songni dingtang dingtang bakrangoni sak 600 bak ra·nasienga ine kobor man·soaha.
Ua kal·susaaniko October jani 22oni 27-ona dam 6 kal·chakram gnanggipa Dibrugarh Multi-Purpose Indoor Sports Hall-o ong·atgen ine DDSAni dilgiparang kobor ra·timgiparangna aganaha.
Unbaksanaba, maiba nanggitikaona ine DDSA Indoor Stadiumkoba tarie donsoenga.
Kal·susagiparang baksana uamangko re·dilbagiparang sak 700mang sokbagen ine niksamsoenga.
Sokbagiparangko sokachaksona dingtang dingtang hotel aro guest houserangko tik ka·e donmanaha.
Dibrugarh-o ian skanggipa changna national-level badminton tournament sokachakani ong·gen.
Opening aro Closing Ceremonyrango Assamni Chief Minister ong·an baksana Badminton Association of Indiani President ong·enggipa Himanta Biswa Sarma, Union Minister Sarbananda Sonowal aro Assam Badminton Association-ni manderang dongpagen.
Press conference ong·ate parakatanio DDSAni President Kamakhaya Saikia, Vice President Manash Jyoti Dutta aro General Secretary Niranjan Saikia gipin officialrang baksa dongpaaha.
Na·simang ia video-koba nina man·gen:
Na·simang iakoba poraina man·gen: Cha·bokdilgipa Bishal Phukan-ko salbrina police custody man·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
