Dibrugarh, Oct 29: Sonibar salo, Assam Dibrugarh-o namen dal•begipa wa•al kamani a•selo te 7 nokrang nisiatako man•aha.
Ia a•sel ong•ani koborko man•ani bakan wa•al kimitgipa dolrang ua biapona gong•rake daariangaha aro adita somoirangni jamano jotton ka•anichi ia wa•alko kimitna man•aha.
Kobor ra•timgiparang baksa Dibrugarh Municipality-ni Vice President, Ujjwal Phukan agangrikengon, “Ia a•sel ong•anio da•o dipet darangkoba saknaa man•a ba siani koborrangko man•sokujaenga indiba te 6 ba te 7 nokrangko wa•al kame nisiataniko man•aha ine koborko man•soaha” ine parakataha.
Unbaksana, rong2 cylinder-rangni bretanikoba chinga kna•aha ineba ua agandapataha.
Ia wa•al kamani chongmot a•selko am•sandianiko dakkuengkua ineba uamang parakataha.
Ia a•sel ong•anio wa•al kamako man•gipa nokrang bang•batan Dibrugarh Municipal Board (DMB)-o kam ka•giparangni nokrang ong•achim.
Iakoba poraie nina man·gen: Assam a•doko rasinni damrang 70 percent-mangni gita tang•doa
Watch
