Dibrugarh, July 5: Assam a•dokni Skotong Minister Himanta Biswa Sarma, Dibrugarh songjinmao sal 9 mangna chi sikate dongenggipa biaprangko Sukrobar salo nirokeaha.

Songjinmao mai a•selni gimin chirang skate dongengachim, chong•mot a•selrangko u•ina man•a gita, ja•sku badepile chi mripa man•gipa ramarangko ua an•tangan ja•achi re•roroenba nirokangaha.

Ua HS Road aro Mahalyaya Road- sepangjolo dongenggipa manderang baksa ia obostarangni bidingo agangrikengon, bijolini transformer-rangko chi mripani a•sel ua jolo bijoli gri ong•ani antisa mang ong•pilaha aro manderang bang•a neng•nikanirangko chagrongna nangengaha ine uamang janapataha.

Dibrugarh Town Protection (DTP) Drain ba nalarangko tarina on•gipa biaprangko ra•sekengani a•selo, Dibrugarh songjinmao ong•ronggijagipa obostarang ba chi sikate donganirang ong•enga ine Skotong Minister janapataha.

DTP Drain ba nalarangko 10 feet mangni gita tarina nangao ga•akachim, indake ong•genchimoba building nokrangko rikanirangchi nalarangko apchangket ong•e tarina nangao ga•akengaha jean, chi ban re•ani somoio chirang jokangna man•jae sikate dongskaenga ineba ua aganaha.

DTP nala-an Dibrugarh songjinmani nangchongmotgipa nala ong•a aro songjinmani pilak bakrangoni chirang ia nala gitan jokangengachim.

Indake, June 27 tarikonin nalarango chi jokanganiko champenganirangchi songjinma gimiko chirang sikate dongengachim. Ia chirangko bilakgipa chi satgalgipa pump-rangko jakkale, Brahmaputra chibimaona chirangko satgalna jotton ka•beoba chu•sokna man•jaenga ine nikna man•a.

Indake, mikkarang waani komiangahaon Dibrugarh songjinmao chi sikate dongenganiko satgalna gipin ja•kurangko chanchirimtaie obostarangko namdapatna jotton ka•gen ineba Sarma ku•chakangaha.

Iani gisepon, songdongenggipa manderang, obostarangko namdapatna man•jaenganina sorkarini kosako ding•chaoe sing•doani aro matnanganirang nakatskaengaha.

Na·simang ia video-koba nina man·gen:

Na·simang iakoba poraina man·gen: Bilsi 3-ni jaman Greater Shillong Water Supply-ni 3-gipa phase-ko rikna Hima Mawphlang dol NOC-ko on•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub