Shillong, Oct 29: Meghalaya Teacher Eligibility Test (MTET) porikkana tarisamsona aro scholarship-rangko somoi gita on•a nangchongmotengani gisepon, Jaintia National Council (JNC) dolrang, West Jaintia Hills-o donggipa District Institute of Education and Training (DIET) Thadlaskein-o skigiparang chu•onggijani bidingo ku•rangko on•angaha. DIET Thadlaskein-o sakgni skigiparangni apjitanga jaman da•o chu•gimik sak 14 skigiparangsan ong•aiaha.
Iani bidingo, JNC-ni General Secretary, Wansha Suting, Meghalaya-ni Directorate Of Educational Research and Training (DERT)-ni Director, R. S. Manners-ko mongolbar salo grongenba agangolpogrikaniko dakangaha.
Suting-ni aganani gitade, skigipa sakgni biapo darangkoba rakkikujaengani a•sel sakgipin skigiparangsa additional subject-rangko ra•na gita draatako man•enba, salantio ra•na nanggipa program-rang aro training-rangko ra•na gita man•jaenga. Aro ian skie ra•enggipa teacher-rangnaba namgipa skie ra•ani cholko bon•ata gita ong•a ineba council-ni manderang janapataha.
Iana agreba, Suting, ia skie ra•chakenggipani paikanarang be•gruna gitik dake dongengani gimin ta•raken taridapna nangchongmotani giminba janapangaha maina ian skie ra•enggipa aro iano kam ka•giparangna rongtal an•talgijaniba ong•enga.
Una agreba, MTET porikka jekon bilsi 2 prako ong•atengachim uko bilsiantin ong•atchinaba ia council dolrang janapangaha.
Bonkamao, skie ra•enggiparangko dakchakani gita aro a•doko lekka poraniko tang•dobatatna gita, council dolrang department-ko scholarship-rangko tarake on•china gitaba didiangaha.
Iana aganchakani gita, Director R.S. Manners, uamangni department DIET Thadlaskein-o skigiparangni biapko gapatna gisiko nangen kamrangko ka•enga ine ka•dongataniko on•angan baksana, MTET porikkako 2025 bilsioni bilsiprak ong•atna tarisamsoanirangko dakenga ineba aganangkuaha.
Na·simang ia video-koba nina man·gen:
Na·simang iakoba poraina man·gen: Shillong-o Rozgar Mela-ko ong•atanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
