Shillong, Oct 22: Mongolbar salo North Eastern Hill University (NEHU), mingsinggipa dolsni national aro international organization-rang baksa Memorandum of Understanding (MoU)-o soi ka•grikangaha.
Ia soi ka•grikaniko dakna gita NEHU Shillong Campus-o dingtangmancha program-ko ong•atangaha aro ia tom•anio, IIM Shillong-ni Director Prof DP Goyal, mongsonggipa sokgipa ong•e bak ra•angaha.
Ia program-ko ong•atanio, NEHU-ni Vice Chancellor Prof Prabha Shankar Shukla, jinmana aganprakengon, dingtang dingtang dolrang baksa MoU-o soi ka•grikanichi, lekka poranio, research-ko dakanio, gama ge•anio, technology-o aro dingtang dingtang kamrango bakrimaniko namdapatna man•gen ine an•tangni ka•dongchakenganiko parakangaha.
Dingtang dingtang dolrang baksa NEHU-ni bakrimaniara soi ka•grikmangmanganisan ong•aijawa indiba India a•songni salgro salaram jolrango u•i-ma•sianiko, skie ra•aniko aro jatni dakbewal rikbewalko tang•doatna dakchakani ong•gen ineba Prof Shukla aganaha.
Mongolbar salo NEHU baksa MoU-o soi ka•grikanggipa dingtang dingtang association ba dolrangara, Indo-Korea Business Cultural Centre (IKBCC), ICAR – Agricultural Technology Application Research Institute, Guwahati, CSRBOX Foundation (SMEC Trust), Mumbai-ni Black Screen Studio Inc., Gauhati Medical College-ni State Cancer Institute, Shillong-ni JETS 24×7 aro Mumbai-ni TeamLease EdTech ong•a.
Na·simang ia video-koba nina man·gen:
Na·simang iakoba poraina man·gen: Assam MLA Akhil Gogoi-ni kosako UAPA-ni ning•o mokordoma ka•taia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
