Tura, Apr 24: Garo Hills Autonomous District Council (GHADC)-na dingtang electoral roll-ko tarichina aro Garo Customary Law (GCL)-ko ta·rake ra·gatchina dabie Bristibar salo, Garo Hills-ni dingtang dingtang dolrang, GHADC office mikkango jinma jingjengatanirangko dakangaha.
Ia jingjengatanio bak ra·gipa dolrangara, Association for Democracy and Empowerment (ADE), Garo Students’ Union (GSU), A·chik Youth Welfare Organisation (AYWO), Federation of A·chik Freedom (FAF), Federation of Khasi Jaintia and Garo People (FKJGP), Tura Government College Students’ Union (TGCSU), aro Federation of Khasi Jantia and Garo People – Tura Government College Cell (FKJGP – TGC CELL) ong·a.
GHADC-o dingtang electoral roll-ko tarichina aro Garo Customary Law-ko ta·rake ra·gatchina dabiangan baksana GHADC-o kam ka·enggipa manderangna service rule-rangko name tarie on·china aro GHADC-ni ning·o tangka paisarangko nambate jakkalchina gitaba ia dolrang dabiangtokaha.
GHADC-ni kamrango parak ong·anirang dongchina aro manderang ka·dongchakna man·na gita Public Accounts Committee (PAC)-ko songchina gitaba ia dolrang dabiangaha.
Na·simang ia video-koba nina man·gen:
Na·simang iakoba poraina man·gen: Police dolrang gram 400 ong·gipa Yaba tablet-rangko Mankachar-oniko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
