New Delhi, Feb 21: Dingtang dingtang kamni a•bao, a•songtangna ka•sagipa aro a•gilsakni gimin ma•sigipa dilgiparangkosa a•songna nangenga ine Sukrobar salo, a•songni Prime Minister Narendra Modi, School of Ultimate Leadership (SOUL) Conclave-ko ong•atanio aganaha.
A•songko rikanio, a•songo songdongenggipa manderangko namdapatna nangchongmota ine janapatengon, je kamoba chu•sokaniko man•na gitade pangchakanian bilakchengna nanga aro a•songna namgipa dilgiparangko nanga ine PM Modi aganaha.
Pilak kamni a•baon namnamgipa dilgiparangko ong•katatna nangchongmota ine janapatskaengon, iani giminsa ia School of Ultimate Leadership-ko kulianiara namen nangchongmotgipa ong•aha aro ian India a•songni mikkangchi namroro silroroaniona mongsonggipa ja•ku de•ani ong•aha ine PM Modi aganaha.
Ia skulni bimingara, SOUL ba janggi baksa ong•gaka ong•ja indiba ia skulan mikkangchi India a•songni janggi gita ong•na sienga ineba ua aganaha.
Ia SOUL Conclave-ko ong•atanio, Bhutan a•songni Prime Minister Tshering Tobgay-ba aganprakengon, India a•songni Prime Minister Narendra Modi-ko saksa niksamsoani gnanggipa, gisik seng•gipa, ka•donggipa aro mandeskana ka•sachakgipa ine mittelpile aganangaha.
‘Make in India’ aro ‘Digital India’ gita dakgipa program-rangko a•bachengatahani gimin PM Modi-ko mittelpilangengon, iandakgipa program-rangko ra•gatanichisa India a•song ta•raken namroro silrorona man•aha ine Bhutan a•songni Prime Minister aganaha.
Bhutan a•songni GMC project-na pilak nanga dakchakanirangko on•engani giminba PM Tobgay, India a•songko mittelpilangaha.
Na·simang ia video-koba nina man·gen:
Na·simang iakoba poraina man·gen: MP Rakibul-ko chadrapanina Congress worker-rang jegalgrima
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
