Guwahati, Sep 21: Nagaland a•dokni dingtang dingtang Naga dolrang, chong•motan, Oting Students Union(OSU), Naga Students Federation (NFS), NSCN (I-M) aro Naga Hoho(NH), Oting-o ramram manderangko ka•saninggija so•otgipa sak 30 Indian Army sipairangni kosako sandirikitaniko Supreme Court-oni dontongatna rai on•ahani gimin gisiko ka•a chakna man•gijaniko aro suk ong•gijani parakataha.

Ia a•sel, batanggimin 2021 bilsini December 4 tariko ong•ahachim aro ia a•sel ong•anio sak 13 ramram manderang janggitangko gimaatna nangahachim. Ia sak 30 army-rangni kosako FIR-ko segatahachim, indake ong•genchimoba ia matnanga man•gipa manderangni kosako sandianiko dondikatna gita Mongolbar salo chong•motan, September 17 tariko Supreme Court-oni rai on•ataha.

Nagaland a•doko Armed Forces (Special Powers) Act, 1958-ko jakkalengani gimin, ia Act-ni section 6-o pangchake sipairangni kosako badi ka•na bil dongani gimin bilo ong•enggipa authority-rangba ra•chakna nangao ga•akachim, maina 2023 bilsini February 28 tariko ia sanction ka•aniko bilo ong•enggipa authority-rang ra•chakjahachim ine Justice Vikram Nath aro P B Varale aganaha.

Indake Oting-o ka•saninggija so•otanio jak donggipa sak 30 army sipairangni kosako dos gri ine chane uamangko Supreme Court-oni kema ka•e watenganina, dingtang dingtang Naga dolrang gisiko suk ong•gijani parakataha aro ian bilo ong•enggipa dolrang ka•sachakani grigiparang ong•a ineba janapataha.

Na·simang ia video-koba nina man·gen:

Na·simang iakoba poraina man·gen: Dibrugarh-o ong·atnasienggipa All India Sub-Junior Ranking Badminton Tournament-o sak 600 bak ra·gen

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.co

m/@NortheastMediaHub2020

Instagram- https://www.instagram.com/ne_media_hub

Download our app from playstore – Northeast Media Hub