Shillong, July 12: Meghalaya a•dokoniko Garo aro Khasi a•dokrangko dabina gita Hill State People’s Democratic Party (HSPDP) aro Garo National Council (GNC) dolrang nangrime ja•kuko de•chakattaiaha.
Iani bidingo kobor ra•timgiparangna u•iatengon, adita salrangna skang dolgnini dilgiparang tom•enba, Garo aro Khasi a•dokrangko dabina gita tik ka•angtaiaha ine HSPDP-ni president KP Pangniang parakataha.
Garo aro Khasi jagnian daka rikani, ku•aganani aro biapni gitaba dingtanggrikani gimin ia jatnian dingtang a•dokko man•na kraa ineba Pangniang parakataha.
Iani bidingo HSPDP aro GNC-ni dilgiparang, ma•mong sorkariko gronge agangriktaigen ineba ua aganaha.
Pangniang-ni u•iatani gitade, Khasi aro Garo a•dokrangko dabiangtaina gita uamang Garo Hills separate state movement committee-ko songpiltaina manchienga.
