Guwahati, Dec 6: Assam Jorhat a•jani Titabor-ni Sub-Divisional Judicial Magistrate (SDJM), Dipankar Gogoi-ni so•ote siani case-ko chipani report-ko jegalenba gital dake am•sandianiko dakchina ge•etaniko on•ataha, maina ia case-ni bidingo police dolrangni doka satani a•selsa Gogoi siaha ine matnangani gnang.
United Liberation Front of Asom (ULFA) dolni gitcham member, Dipankar Gogoi-ko, 2023 bilsini December 23 tariko, Birinasayek songo uni noktangoniko so•ote sigimin manggisiko man•aha.
Army camp-ni apalo grenade boma gopretani bidingo, Gogoi-ko rim•enba sing•sandianirangko dakanio biljime doka sataniko man•ani a•selsa Gogoi sina nangao ga•akaha inenba uni nokdangni manderang police dolrangni kosako matnangataniko dakataha.
Gogoi-ni abigipa, Rimlee Saikia, Gogoi-ko be•enni aro gisikni gita saknaaniko on•ani a•selsa ua sina nangao ga•akaha inenba, unomiting ong•enggipa Jorhat-ni SP, Mohanlal Meena-ko kosako FIR-ko segataha.
Nokdangni manderangni aganani gitade, 2023 bilsini December 22 tariko rim•enba sal 4-na doka satanirangko dakena walo walo watatpilrongachim. Post-mortem ka•e nianio, uni be•enno doka satani chinrangko nikna gita man•aha. Indake ong•engon, skanggipa am•sandianiko dakgipa police officer ia pilakkon nigalan baksana mikrontangchi nikgipa sakkirangko ra•gija case-ko chipani report-ko seaha.
Post-mortem report-rangko, jegalani lekkarangko aro Rimlee-ni sedoatgipa lekkarangko nipila jaman, court-ni gita kakket bichal on•a nangchongmotani gimin magistrate aganangaha.
Iarang pilakko nigrikenba, court-ni gita case chipaniko jegale, da•o ong•enggipa Jorhat-ni SP-ni seoka man•gipa a•gipibatgipa police officer-ko ia case-ni bidingo mikkang nitea gri am•sandianiko dakchina gita ge•etaniko on•angaha.
Na·simang ia video-koba nina man·gen:
Na·simang iakoba poraina man·gen: Nokmarang baksa bakrimchina Home Guard-rangko Minister agana
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
