Gangtok, Oct 4: Sikkim a•doko dal•begipa chi ban re•aniko gisik ra•na gita State Disaster Risk Reduction Day ine donenba Gangtok songjinmao gisik ra•aniko dakangaha.
Batanggimin 2023 bilsini October 4 tariko, South Lhonak Lake-ni tin•kagimin surirangni be•enba jronganichi Sikkim a•doko dal•bea chi ban re•ani ong•ahachim. Ia chi ban re•anio, moraine dam baksana Chungthang-ni Teesta Stage 3 Dam be•gopatako man•aha aro sak 20 Army sipairangko man•chape sak 92 manderangni janggiko gimaatna nangao ga•akaha.
Indake Glacial Lake Outburst Flood (GLOF)-na bate ‘Cloudburst’ ba rang•gitik jimprete mikka waanirangchi a•doko bang•bate nosto ong•atako man•angaha ine a•dok sorkari parakataha.
October 1 tariko, State Disaster Response Fund (SDRF) aro National Disaster Response Fund (NDRF) -oniko gong crore 23 tangkarangko dakchakna gita Union Home Minister Amit Shah ra•chakangaha.
Indake, ia tangkarang chibolrangko sandirikkite nina aro a•selrangko bon•atna gita chu•ongade ong•ja, indiba jensalo chibolrangni chong•mot a•selko name u•igen, unosa kamrangko a•bachenggen. Indake, gong crore 3600 tangkarangko Post Disaster Needs Assessment-na chamatchina lekkarangko ma•mongna on•ataha ine skotong Minister janapataha.
Union Finance Minister Nirmala Sitharaman-ni Union Budget-o, GLOF-na Special Financial Assistance-ko chamatgipa tangka paisarangko a•doko man•sokujaenga ineba CM janapdapataha.
Ia chi ban re•anio nangchakea man•gipa manderangna, dongchakna gita Punar Awas Yojana-ni ning•o a•arangko sandienba on•aha aro ia biaprango uamangna nok jamrangko rike on•gen ineba ua ku•rachakangaha.
Na·simang ia video-koba nina man·gen:
Na·simang iakoba poraina man·gen: Mikkarang wagenchimoba Live @ Garo Hills 2.0-ko ga•subee a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
