Tura, Mar 8: South West Garo Hills, Ampati District Commerce & Industries Centre chang 8 gipa District Industrial Exhibition-ko, Ampati Students Field-o ong•atangaha. Ia exhibition-ko 54 Mahendraganj Legislative Assembly-ni MLA aro Meghalaya Infratech and Innovations Corporation Ltd, Board of Directors-ni Chairman ong•enggipa Sanjay A Sangma oprake on•angaha.
Ia programme-o, South West Garo Hills a•jani SP, Vikas Kumar, Betasing C&RD Block-ni BDO, CRN aro gipin line department-ni officer-rang bak ra•angaha.
Ia exhibition-o, a•jao donggipa manderangni jakchi sol•gimin rep•gimin bosturangko aro gipin a•jani ra•bagimin bosturangkoba mesokaniko dakangaha.
Indake ia manianio DCIC, Ampati-ni General Director, N F R Marak jinmana aganengon, ia exhibition-ko ong•atani miksongani gimin aro ia cholrangko on•engani dingtang dingtang namgnirangni gimin talataniko dakangaha. Ia Exhibition-o, dingtang dingtang bosturangko mesokangan baksana, badingchiwalani, nangrime kam ka•ani aro chu•sokanirangni bidingo tarigimin ja•wilwatrangko mesokchakram, Audio Visual kutturio mesokaniko dakangaha. Una agreba, cha•anirangko done pala simanikoba, photo booth, be•en bimangko an•seng baljoke rakkiani gimin u•ie ra•ani centre-rangba dongpaaha aro Nokpante Productions baksana Meghalaya Grassroot Music Project (MGMP)-ni artist-rang, an•saodilaniko dakangaha ineba ua agandapataha.
Betasing C & RD Block-ni MCS aro BDO, Crystal R N Sangma-ba, ning•tugipa songrangoni jaktangchi sol•na rep•na changgipa manderangni sol•gimin rep•gimin bosturangko badinganiko tang•doatanio, ia Industrial Exhibition-ni bakko ra•e kam ka•engani bidingo aro janggi tanganina badingchiwale cha•ani gamchatani gimin kan•dike talate on•anga.
Indake, South West Garo Hills a•jani IPS, SP Vikash Kumar, a•jao jaktangchi tarigimin bosturang, a•songni skotong sonjinmarangona aro gipin a•songona badinganiko dakna kragiparang ong•a ine aganan baksa, Dubri oni Phulbari-ona tarienggipa dolongko matchotahaon, ia ramarang gita badingchiwalaniko dake janggi tangani gadangrangko tang•doatna man•genok inenba agandapataha.
54-Mahendraganj-ni MLA, Sanjay A Sangma-ba, an•tangni bi•samiting salrango uni atchiram songtang Boldamgre-o janggi tanganiko nipilate, Ampati-o komigipa dokanrangkosan aro bading chiwalanio namen komianiko nikna man•achim, indake da•alo, a•dok sorkari aro Commerce & Industries Department-rangni gita a•jani aro sima ario dongenggipa manderangni janggi tanganiko tang•doatna gita dakchakaniko on•enga inenba aganangaha.
Na·simang iakoba poraie nina man·gen: Mawlyndep Hospitality Complex-na CM, pangchakaniko songe on·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
