Tura, January 28: District TB Centre, West Garo Hills a•jani ning•o donggipa Selsella CHC-o 100 Days Campaign-ko ong•atangaha. Jeon, Tura West Garo Hills-ni District TB Officer, Dr. Riksilchi Sangma, ia program-ona sakantikon rimchaksoan baksana tuberculosis (TB) saaniara maikai ong•na gita amachim, TB saani chinrang aro maikai ia saaniko champengna gita man•achim talate on•angaha. Uasan ong•aigija, ua 100 Days Campaign-ni bidingo aganangan baksana bilsi 60 batgipa manderang baksana chu•onga gita cha•na ringna man•pagija sagiparang, diabetes donggipa aro HIV man•giparangna tangka gri indin X-ray ka•ani, stu-rangko porikka ka•ani aro TB porikka ka•e on•anirangkoba dakangaha. Una agreba, ua maikai gusumitingo ku•sik gingtingrangko pindapna nangachim uni gimin mesoke on•angan baksana TB sagiparangna namgipa cha•a ringanirangko on•e dakchakaniko on•china gita manderangko didiangaha.
Ia tom•bimonganio mongsonggipa sokgipa, 48 Selsella Constituency-ni MLA, Arbinstone Marak, ia on•enggipa namgnirangko sakantikon ra•rikchina gita didiatan baksana TB saenggipa mandena nokdangni aro songsalni gita chakpaaniko on•a nangchongmotani gimin aganangaha. Ua songni dilgipa sakantikon ia 100 Days Campaign-o bak ra•pachina gita okamaniko dakangan baksana, sakantikon TB saani dongama dongja uko porikka kae nichina gita didiataha, maina TB saaniko sangija dongenchim ong•ode ian saksa sakgipinona batrikrikna man•gipa sabisi ong•a ine janapatan baksana, ua TB saaniko bon•atna gita jinma apsan kam ka•na nangchongmotani giminba aganangaha.
Na·simang ia video-koba nina man·gen:
Na·simang iakoba poraina man·gen: Ri Bhoi a•jao ong•atenggipa National Symposium-o CM bak ra•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
