Tura, June 7: Sukrobar salo, Skanggipa aro Gnigipa bakni bon•kamgipa robol kal•susaaniko, Chandmari Football Turf-o kal•susaanio robol tingsusaanio sapbegipa dol ge•gnini susaaniko nikangna man•aha.
Dokakku FC 2-1 goalrangko man•e, Burny Hills YC dolni kosako Gnigipa bakni kal•susanio chegipa ong•aha aro Babelapara SYC 2-0 goalrangko man•enba Chandmary FC dolni kosako, Skanggipa bakni kal•susaanio chegipa ong•skaaha.
Gnigipa bakni kal•susaanio, Dokakku FC doloni Chebath Sangma, 16th aro 34th minute-rango goalrangko chipaha.
Indake, Burny Hills YC doloni Leo M Marak-ba, 80th minute ong•o, cholko ra•enba goal 1-ko chipskaaha.
Indake ong•ggenchimoba, skanggipa neng•takani somoina skang Dokakku FC dolni goal 2-ko chipgipan, Proper Burny Hills YC dolni kosako chegipa ong•ataha. Ia kal•susaanio dolgnionin darangba cautionary card-ko man•jaha.
Skanggipa bakni kal•susaanio, skanggipa neng•takani somoi ong•na skang dolgnian mangrake aro krenge robol tingsusaenba, dolgnionin darangba goal chipna man•jaha.
Indake, Babelapara SYC dolni Sengrang Marak, cholko ra•enba 44 minute ong•o skanggipa goal-ko chipchengaha aro Larys Lomo Marak-ba, kal•susaanio minute 1 on•dapgipa somoio, gnigipa goal-ko chiptaiaha.
Chandmary FC aro Babelapara SYC dolgnini gisepon an•tangtangni changa sapaniko mesokjole, dolgnian bil•tinggrike susaaniko nikangna man•aha. Indake ong•genchimoba, Chandmary FC doloni goal-rangko chipna cholko man•jaha aro Babelapara SYC dol chegipa ong•aha.
Ia kal•susaanio, Chandmary FC doloni Songanan Shaiza 68 minute ong•o rimit card-ko man•aha aro Babelapara SYC doloni, Nikesh Marak aro Sengkan Sangma, 56 aro 69 minute-rango rimit card-ko man•aha.
Na·simang ia video-koba nina man·gen:
Na·simang iakoba poraina man·gen: Assam-o MP sakgittamko Congress rimchaksoa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
