Shillong, April 1: Para military force-rangni dol 40-rangko, re•baenggipa Lok Sabha Election-ko jakgitele, kakket aro tom•tom ong•atna man•a Meghalaya a•dokona watatna tik ka•aha. Jeonikon dol 5-rangkode watatman•aha aro gipinrangko jamano uamangni tarisamsoani gita watatgen. Indake adita nangchongmotgipa tarisamsoanirangko niamo pangchake tariman•soaha ineba Tiwari parakataha.
“Chinga Central Arm Police Force (CAPF)-ni dol 40-rangko watatani hukum-rangko man•aha,”ine Chief Electoral Officer B D R Tiwari u•iataha.
“Una agreba, election ong•na skang chinga adita sima ario nengnikani kamrangko jako ra•aniko dakangaha. Indake ong•engon, Election Commission of India-ba chingna u•iatanirangko on•enga, aro unbaksana chinga sepangbatgipa a•dokrangonikoba ku•pattianiko ra•enga,” ineba ua aganangkuaha.
Baita ge ken•gnigipa ba namgijagipa polling station-rang donga uko u•iomangba, CEO, uni gimin u•iata dongkuja maina uan pangna jolna apsankamgipa ong•jachim.
Da•o dipet, Model code of conduct-ni niamrangko pe•ani gimin minggni complaint-rangko man•soaha.
Iarangni bidingo, singanirangko dakon, “ia pilak ong•enggipa obostarangni gimin na•simang a•jatangtangni DC-rangoniko sing•sandianirangko dakna man•gen.” Ia minggni complaint-rangko C-vigil ba mobile app-oniko man•soaha aro ia complaint-rangko niam gita mat•chotataha ineba ua u•iataha.
Na·simang ia video-koba nina man·gen:
Na·simang iakoba poraina man·gen: World War II-o bak ra•gipa Subedar Thanseia a•gilsakko watanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
