Shillong, July 31: Dominic Sangma-ni tarigipa ‘Rapture’ jawilwat, Malaysia a·songni Kuala Lumpur songjinmao chang 7-gipa Malaysian International Film Festival (MIFF)-ko ong·atanio, ‘Best Cinematography’ award-ko man·aha.
Ia award ba boksisko ‘Rapture’ jawilwatni cinematographer Toxo Xavier ra·chakeaha.
Ia ‘Rapture’ jawilwatara, walni somoio mikgri ong·e saa donggipa bilsi 10-ni me·a bi·sani golpoko tarigipa jawilwat ong·a aro ia jawilwato ia me·a bi·sa, songo manderangni gimarongani ja·man, mande rim·gittanggiparang, be·enni bakrangko badingenga ine jangbingbanganirangko knasoenba, kene janggi tangachim.
Ia jawilwatko A·chikrangni dakbewal rikbewalo pangchake tariaha aro ia jawilwatko tarianio, Hubert Bals, Visions Sud Est aro Doha Film Institute-ba dakchake on·aha.
Ia jawilwatko tarina korosrangko Dominic Sangma-ni Anna Films, China-ni Xu Jianshang aro Sun Li, India-ni Anu Rangachar, Harsh Agarwal, Aditya Grover aro Stephen Zacharias nangrime dakchakaha.
Ia jawilwatko tarianio Northeast India-ni art-rangko namnikgipa Eva Gunme R Marak-ba mongsonggipa daitoko jako ra·aha.
Ia ‘Rapture’ jawilwatko a·gilsakni dingtang dingtang biaprango mesokani ja·man da·o Meghalaya a·dokoba skanggipa changna re·baenggipa August 15 tariko Tura-ni District Auditorium-o mesokna siengaha aro ia jawilwatko nina gita Garo Hills-ni manderang ka·oksibee nisamsotokengaha.
Na·simang ia video-koba nina man·gen:
Na·simang iakoba poraina man·gen: ICFAI University-o 1st yr-ni chatro chatrirangna orientation program-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
