Tura, Sep 22: Tura Don Bosco College-ni Department of Physics, IQAC baksa nangrime September-ni 22 tariko salsana Renewable Energy-ni gimin Don Bosco College of Teacher Education hall-o seminarko ong•atangaha.
Tom•anio mongsonggipa ong•e sokbagipa Tura Govt. College-ni Physics Department-ni Head, Tejan A. Momin aro Don Bosco College IQAC-ni Coordinator Dr. Barbara S. Sangma-ni dongpaanichi aro uno gipin skienggiparang baksa chakkiko so•anichi ia seminar-ko a•bachengataha.
Tom•aniona sokbagiparangna Don Bosco College Physics Department-ni HoD Pa Mahindar Rajbongshi, rimchaksoani kattarangko aganangaha aro rimchaksoani gitko B.Sc. 1st Semester Physics Honours-ni chatro chatrirang ring•skaaha.
Follow NE Hub News with just a Click on Whatsapp; Direct Link here
Ia tom•anio, DBC IQAC-ni Coordinator Dr. Barbara S. Sangma, jinmana agan-talataniko dakengon an•chingara pangnan an•tangtangko gital daktaitaina nanggiparang ong•a, beben an•ching pangnan renewable energy-ni gimin golpoa indiba angni chanchianiode energy-de janggi ong•a ine aganangaha.
Ia tom•anio DBC-ni Principal Fr. Rodriques Mukhim-ba uni agananio, da•oan anchinga renewable energy-ni gimin dal•en chanchina nanganio ga•akengaha maina da•o ong•enggipa obostarangko niatgenchimode ding•anirang batroroengaha aro mikkarang tik ong•roroangjaengaha. Uni gimin an•ching dingtanggipa ja•ku de•anirangko dakenba sandirikkitanirangko dake jakkalna nangao ga•akengjok ine Fr Mukhim aganaha.
Tom•anio Special talks-ko Tura Govt College-ni ning•o donggipa Physics Department-ni Head Pa Tejan A. Momin aro IQAC-ni Coordinator, chatro chatrirangna Sun mission jekon Indian Space Research organization-ni dilanichi dakenggipani bidingo talataniko dakangaha. Ia tom•anio College-o poraienggipa chatro chatrirangna Dr. Arindam Ghosh-ni dilanichi Technical session-koba ong•ataha aro ia session-o chu•gimik dolbri dingtang dingtang semester-o physics-ko poraienggipa chatro chatrirang bakko ra•angtokaha.
Iakoba poraie nina man·gen: Wadanang gopram sepangoniko mande saksani manggisiko man•a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
