Shillong, July 14: US-ni gitcham President Donald Trump-ko, Pennsylvania-o tom•aniko ong•atmiting somoio so•otna jotton ka•ani gimin stage-oniko ta•raken rimongkatangaha.
Jawilwat ge•sao, guli goani gam•ana banggope chakna skang Trump-ni jajrenga gnang uni jakrani nachilko rim•aniko nikna gita man•aha. Donald Trump-ko ta•raken senge dongenggipa gariona US Secret Agent-rang rimonangaiaha.
Sianggipa mande Pennsylvania Bethel Park-ni bilsi 20 ong•gipa Thomas Matthew Crooks ong•achim. Uni jakrani nachilni kosakgipa bako guli nangaha ine Trump uni Truth Social Network-o ba social media-o parakataha. Ua da•o sambajolo donggipa sanram biapo sanna bannaniko ra•enga ine uni palo agantimgipa u•iataha.
“Guli goani gam•ani aro angni nachilko guli nangpakangon anga maiba ong•enga ine ta•raken u•ina gita man•aha, indake an•chirang bang•e ong•a jamansa mai man•cha ong•achim uko u•ina gita man•aiaha ” inenba Trump uni Social media-o seataha.
Protection Officer-rangni uko ta•rake rimangmiting somoion, Donald-ni nachil aro mikkango an•chirangko nikna gita man•aha. Agency-na agantimgipa Anthony Guglielmi-ni u•iatani gitade chanchichipenggipa mande US Secret Service Officer-ni jakchi goako man•e siaha. Saksa sepango dongpagipaba iano so•otako man•aha aro unbaksana sakgni manderang bilongongbee saknaako man•skaaha. Saknaa man•gipa sak 3 manderangan me•asarara ong•a ine official-rang parakataha.
Na·simang ia video-koba nina man·gen:
Na·simang iakoba poraina man·gen: Chadambe saksako so•otanina Tripura-ni Dhalai a•jao jingjenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
