Guwahati, July 12: Skanggipa changna Doner Minister ong•e jako ra•ani ja•mano, Union Minister Jyoti Aditya M Scindia, Sukrobar salo Assam a•dokona salgni saldongangna gita re•baaha. Uni Guwahati-ni Lokpriya Gopinath Bardoloi International Airport-ona sokbahaon uko mande ra•e rimchaksoniko daksoaha.
Union Minister, Borjhar Airport-oni Shillong-ona bilange, Meghalaya a•dokni Skotong Minister baksa gronggrikani aro nangchongmotgipa chanchirimaniko Shillong-o chanchirimani ja•mano, ua Guwahati-ona re•bapilgen.
Jyoti Aditya M Scindia, Guwahati-o walsa waltuenba, Sonibar salni bako Guwahati-ni Nedfi House-o tom•anio bak ra•anggen.
Indake, ia tom•anio Salgro Salaram a•dokrangni namroro silroroanina dingtang dingtang program-rangko ba proposal-rangko Minister ra•bagen ine ka•dongsoenga.
LGBIA-ona uni sokbaani somoio, Party-ni President aro Home Minister, Prime Minister-ni niksamsoenggipa ‘Purbvadai’, jean India a•songko silroro namroroatani cholguga ong•achim, uko salgro salaram a•dokrangko chu•sokatna una daiko on•aha aro salgro salaram jolna chamatgipa tangkarangko niatgenchimode gong crore 24-oni gong crore 82-ona tang•doaha ine Minister Jyoti Aditya M Scindia aganaha.
Una agreba, Look East Policy-ko da•ode East Act Policy ine mingskaaha ineba ua janapataha.
Na·simang ia video-koba nina man·gen:
Na·simang iakoba poraina man·gen: Sikkim-o taxi bolsako ro•ong ga•akdape saksa sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
