Ampati, Oct 27: South West Garo Hills a•jani Rerapara C&RD Block ning•o donggipa Dorambok health sub-centre ba Urban Health & Wellness Centre-ko Sukrobar salo, Rangsakona-ni MLA Subir M Marak-ni jakchi kulie on•angaha aro ia health centre-ko kulie on•anganio SWGH a•jani ADC YW Momin, Rerapara Block-ni BDO A Ch Momin, SWGH a•jani DM&HO H Barman aro gipinrangba dongpae bak ra•angaha.
Dorambok Urban Health & Wellness Centre-ko kulie on•anganio Rangsakona MLA, tom•anio bak ra•giparangna aganprakengon, ia health centre-ko an•tangtangni gam-jin gitan rongtal an•tale jakkalchina aro ia health centre-ko namdapatanio bakrimaniko on•china gita songni manderangko didiangaha.
Dorambok songo ambulance-ko on•china dabitokengani gimin re•baenggipa December jani gisepon ua ambulance bolsako ia songna on•gen ineba Marak, ku•rachakaniko on•angaha.
Garobadha PHC-ko CHC-ni gadangona ra•doatna aro Damalgre-o PHC-ko kulie on•na gita ua rakbee kamrangko ka•gen ineba Rangsakona MLA ku•rachakaniko on•angaha.
15th Finance Commission-ni ning•o South West Garo Hills a•jana dambonga Urban Health & Wellness Centre-rangko sorkari on•aha aro ia dambonga centre-rangoni Dorambok Urban Health & Wellness Centre-ba damsa ong•achim.
Iakoba poraie nina man·gen: A·dokni draft electoral roll-ko, October 27 tariko parakatna gita M’laya-ni CEO u·iatanga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
