Tura, Mar 27: North Eastern Hill University (NEHU) Tura Campus-ni saksa ja•delbatsranggipa professor, Dr Fameline K Marak-ko Tura Campus-ni gital Pro-Vice Chancellor (PVC) songahani gimin NEHU Tura Campus-ni Post Graduate Students Union (PGSU) mittelpilaniko parakataha.

Batanggimin bilsibri ong•na sipile NEHU Tura Campus-ko Pro-Vice Chancellor gri, Director in-charge-ni ning•osa chalaiahani gimin campus-ko chalaianio neng•nikanirangko chagrongna nangaha aro iani bidingo chatro chatrirang, batanggimin bilsirangonin PVC-ko songe on•china dabitokengachim.

Indake ong•engon, da•o Dr Marak-ko NEHU Tura Campus-ni PVC songahani gimin Tura campus-ni chatro chatrirang kusi ong•aniko parakatenba, Tura Campus-ko chalaianio kamrangko nambate ka•na man•gnok ine janapataha.

NEHU Tura Campus-ni gital PVC-ko songanichi uamangni ru•uta bilsirangna dabianirangko chu•sokatna man•gnok ineba PGSU-ni dilgiparang, an•tangtangni ka•dongchakenganiko parakataha.

PGSU-ni parakatani gitade, NEHU Tura Campus-ara batanggimin bilsi 30-mangna Garo Hills-o chubata gadangni bida budiko on•anio mongsonggipa bak ong•aha indiba batanggimin bilsirango Pro-Vice Chancellor dongjani a•sel Campus-ko chalaianio aro bida budiko on•anioba dingtang dingtang neng•nikanirangko chagrongna nangaha.

Indake ong•genchimoba da•o NEHU Tura Campus-na Dr Marak-ko PVC songahani gimin PGSU kusi ong•aniko parakatenba, mikkangchi campus-ni namroro silroroanina uamang, ia gital PVC baksa bakrime kamrangko ka•anggen ine chatro chatrirangni pal, PGSU-ni president Chakram D Sangma, ku•rachakaniko on•ataha.

Na·simang ia video-koba nina man·gen: 

Na·simang iakoba poraina man·gen: Williamnagar-oni gimaenggipa me·a bi·sa sakgniko man·pila

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub