Shillong, Nov 4: Shillong songjinmao donggipa Dr H Gordon Roberts Hospital-ni bilsi 100 gapaniko manianio Meghalaya a•dokni Chief Minister Conrad K Sangma-ba dongpae bakko ra•angaha aro ia manianiko ua Sukrobar salo, a•dokni Deputy Chief Minister Prestone Tynsong-ni dongpaanio a•bachengate on•angaha.
The General Body of the Hospital had approached me for sanction for the extension of their Annexe building. Today I handed over the sanction letter of ₹20 Lakhs for the same. pic.twitter.com/oMlYCosNjd
— Conrad Sangma (@SangmaConrad) November 4, 2022
Ia manianiko a•bachengate on•anganio a•dokni Chief Minister, jinmana aganprakatengon, ia hospital-ni bilsi 100-ko ga•tapahani gimin an•tangni kusi ong•chakaniko parakatenba, 1913 bilsio Shillong-ona sokbae, Shillong-ni Mission Compound-o chonbegipa sanchakram biapko a•bachengatahani gimin Dr H Gordon Roberts-ko mittelpilangaha.
Songsalni manderangna sanna bananirangko on•anichi dangdike on•engani gimin hospital-o kam ka•enggipa pilak manderangkoba ua mittelpilangaha.
Dr H Gordon Roberts Hospital-o da•o dipet ge 350 palangrang dongan baksana Accident & Emergency, General Medicine, Obstetrics & Gynae, Psychiatry, Orthopedics, Child Health, Child Development Unit, Pediatric Surgery, Anesthesiology, Dental, Ophthalmology aro uandakgipa sanna banani cholrangko man•enga.
