Guwahati, Dec 30: India a·songni gitcham Prime Minister Dr Manmohan Singh-ni siani ja·man, December 26 tarikoni January 1 tarikona kalimaniko dakna parakatahaoba, una bon·kame mande ra·pilskaaniko dakani salo Assam sorkarini, program-ko ong·ate dingtang dingtang scheme-rangko a·bachengataniara, Dr Manmohan Singh sagina mande ra·gijaniko mesokani gita ong·aha ine Assam-ni Congress dol, a·songni Prime Minister Narendra Modi-na suk ong·gijaniko seachi parakataha.
PM Modi-na sedoatgipa chittio, Assam Legislative Assembly-ni Opposition dolko dilgipa Debabrata Saikia-ni parakatani gitade, gitcham PM Dr Manmohan Singh sagini sianina Assam a·dokoba salsnina kalimaniko dakna sorkari parakatmanahachim indiba una bon·kame mande ra·pilskaaniko dakani salo Assam sorkari, dingtangmancha program-ko ong·atenba, adita scheme-rangko a·bachengatskaahachim.
Dr Manmohan Singh sagiara, a·songni gitcham Prime Minister-san ong·aigija bilsi 28 batpile Assam-ni Rajya Sabha MP ong·eba dangdike on·ahani gimin Assam sorkari, una dingtangmancha mande ra·pilskaaniko dakna nangachim ineba Assam-ni Congress dol, PM Modi-na sedoatgipa chittio janapataha.
Assam Legislative Assembly-ni Opposition dolko dilgipa Debabrata Saikia-ni parakatani gitade, gitcham Prime Minister Dr Singh-ni sianina Jharkhand, Uttar Pradesh aro uandakgipa dingtang dingtang a·dokrangode Dr Singh sagina mande ra·pilskaani chin gita tik ka·sogimin program-rangkoba ra·galpilaha indiba Assam-ode pangna ka·rongbewal gitan kamrangko ka·aiaha.
Indake ong·engon, a·songni gitcham PM Dr Singh sagiko gisik ra·e mande ra·pilskaani chin gita iani bidingo ja·kuko de·china Assam-ni Congress dol, PM Modi-ko didiataha.
Na·simang ia video-koba nina man·gen:
Na·simang iakoba poraina man·gen: Kaushik Kashyap-ni gital Hindi git ‘Chandni Raat’ manderangni gisikko sala
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
