Gangtok, May 31: Cardiologist Sanjay Upreti sagiko, 2021 bilsini December 14 tariko, Sir Thutob Namgyal Memorial Hospital-o so•otgipa mande, Dorji Thinley Bhutia-ko, uni janggi tanga gimikna patoko donatchina Gangtok-ni District and Sessions Court rai on•ataha.
Gangtok-ni Tathangchen-o donggipa Dorji Thinley Bhutia, Hospital-ni me•chik saksako maiba mikbuani dongenba chadrapahachim aro ua somoio Dr. Upreti, Dorji-ko champengna jotton ka•aha jeni a•selan ua su•a man•aha. Uni ja•a samsako rattongna nangao ga•akaha aro uni janggiko jokatna jotton ka•begenchimoba, 2021 bilsini December 24 tariko ua a•gilsakko wate re•angaha.
Iani bidingo Gangtok-ni District and Sessions Court-o mokordomako segataha jean, ja 29 mangna hearing-ko dakani jamano kakket bichalko ka•e kakket raiko on•ataha.
Bristibar salo, Sessions Court-ni Special Division 1, Judge Jyoti Kadka, Dorji Thinley Bhutia-ko dossi gnang ine parakatchengaha aro Sukrobar salo, Indian Penal Code (IPC)-ni Sections 302 murder, 307 attempt to murder ba so•otna jotton ka•anina aro 353 manderangna dangdike on•engmitingo ka•mikenatanio pangchake, uko fine-rang baksa janggi tanga gimikna patoko donchina rai on•ataha.
Uko IPC section 302-ni ning•o gong 10,000 fine baksa janggi tanga gimikna, IPC section 307-ni ning•o gong 1,000 fine baksa bilsi 10-na aro IPC 353-ni ning•o bilsi 1-na patoko donatchina rai on•ataha.
Additional Public Prosecutor, Yadhav Sharma, dossi gnanggipa mandeko rai on•atani jamano, ia mandeko IPC 302-ni ning•o janggi tanga gimikna patoko donatchina aro unbaksanaba biljrimbegipa sastirang baksa gong 50,000 fine-ko ra•china aro 307-ni ning•o bilsi 10 baksana gong 5,000 prakko fine ra•china aro 353-ni ning•o gong 1,000 fine-rangko bilsisana ra•china rai on•china Nokgipao bi•chabeaha. Ia mokordoma-o kakket bichalko ka•e on•aha ine anga bebe ra•a ine aganaha.
Una agreba, dossi gnanggipa mande, ia Honorable Court-ni on•gimin raiko chu•ongnikjaengode, Honorable High Court-o badi ka•dona uo bil donga ineba ua agandapataha.
Na·simang ia video-koba nina man·gen:
Na·simang iakoba poraina man·gen: Remal balminduri balanichi duko ga•akenggiparangna dakchakgrimchina Mizoram CM didia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
