Shillong, Dec 17 : Da•ororo chasong gitalni samrangko jakkalenba, samachik jakkalani ru•uta bilsirangnan gamchatgijagipa ine galgimin ong•achim. Indake ong•engon, jatni bewalo sanna bannani bewalrangko gamchatnikgipa aro mande ra•gipa saksa Dr. Vidyanisth Marak, ia chanchibewalaniko dingtangaha.

Uni re•mikkanganiara, jatni mikkim aro chengoni songdongbaengipa manderangni u•ianirangko gamchatnikaniko mesoka. Samachik jakkalaniko tangchapilatna bilsi 40 batpile kam ka•a jaman, ua re•anggipa 2024 bilsini December 9 tariko O.N.E. India Award-ko Mumbai-o ra•chakangaha.

Dr. Marak, Samachik ba A•chikrangni bewalo sanna bannani a•bao uni re•mikkkangni chonmittingon a•bachengaha. Dr. Vidyanisth, uni pagipani sarongbewal saanirangna sambijakrangko jakkale sannanirangko nikenba jatni bewalo sanna bannani ba samachikni gamchataniko u•ibaaha. Uni bi•a ka•a jaman, uni obitegipa samachikni gimin bang•bate skianirangko on•angkuaha. 1987 bilsio, Samachik ba A•chikrangni bewalo sanna bannani kam ka•genchim ong•oba, chasong gitalni doctor-rang samachikko gamchatani grigipa ine galaniko chagrongna nangaha aro indake ia obostako chagrongenba uni janggi tanganiko A•chikrangni bewalo sanna bannaniko ripingna aro mande ra•na didiatako man•aha.

Dr. Marak, Samachik aro uko jakkale sanna man•giparangna mande ra•aniko ra•bapilna gita mangsongenba, ua namen gamchatbegipa aro dal•begipa kamko a•bachengataha. Ua Samachik jakkale sanna man•gipa manderangko okamchimongenba Samachik Association-ko bikotdilaha, jeon Garo Hills-ni dam 5 a•jarangoni dam 2,500 songrangoni Samachik jakkale sanna man•giparang re•batokaha. Dr. Marak, da•o Samachik jakkalaniko tangchapilatna kam ka•enggipa Samachik Association-ni general secretary ong•enga.

Bilsi re•angroro, Dr. Marak-ni jotton ka•anirang ia re•mikkanganiko mikkang nitea gri sanna bannaniko on•aniona ong•ataha. Uni samachikko chel•chakanichi, Meghalaya a•dok sorkari Samachikko officially ra•chakenba sanna bannanio jakkalpilgipa ong•ataha. A•dok sorkari, Garo Hills-ni dam 5 a•jani hospital-rangnan tangka paisani gita dakchakaniko on•angaha, jeon sagipa manderangko A•chikrangni bewalo sambijakrangko jakkale sannanirangko on•anggen.

Garo Hills-ni bang•bata songrangon Samachik jakkale sanna bannaniko dakgiparang gnang aro uamang da•o diltugipa biaprango sanna bannaniko on•enga. Sorakarini sanna bannani program-rango uamang dakchakaniko on•an baksana, sabisirang jekai tuberculosis aro malaria-rangko sanna gita dakchakanirangko on•angaha. Samachikko chasong gitalni samrang baksa brinenba, Garo Hills manderangna sanna bannaniko on•anio namgipa dakmesokaniko dakangaha.

Na·simang ia video-koba nina man·gen:

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub