Shillong, July 14: South West Garo Hills-ni Deputy Superintendent of Police (HQ)-ni dilanichi, Anti-Narcotics Task Force aro Monabari OP aro Garobada OGC-ni officer-rangni am•sandianiko dakanio, sak 3 drugs badinggiparangko Borkona joloniko Sonibar salo rim•aha.
Ia rim•a man•gipa manderangara, Assam-ni Gazarikandi-oni Mostafa Sheikh (24), Assam-ni Tangaon-oni Meter Ali (32) aro Assam-ni Kukurmara part-II-oni Nur Abdin (24) ong•achim aro uamangoniko, be•enko nosto ong•atna amgipa pekatgipa samrangko aro gipin bosturangko man•aha.
Ia am•sandianio, 1.06 kilogram mangni gita jregipa rong 11,000 methamphetamine samrangko, ge 3 mobile phone-rangko, bol 2 motorcycle-rangko aro chakku ge•sako man•aha.
Indake dos donggiparangni kosako NDPS-ni ning•o Ampati Police Station-o mokordomako segataha aro iani bidingo am•sandianiko dakengkua.
Iandake kragija kamrango bak donggipa manderangko saoba ma•sia donggenchimode sepangbatgipa police station-ona koborko on•china sakantikon authority-rang didiataha. Je mandean koborko on•genchim, ua mandeni bimungko parakatjawa aro una boksis-koba on•pilskagen ineba Superintendent of Police, Vikash Kumar, IPS jinmana u•iataha.
Na·simang ia video-koba nina man·gen:
Na·simang iakoba poraina man·gen: Chu pekgipa saksa mandeni ta•rakprete gari salanichi sak 15 manderangko saknaata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
