Shillong, Dec 9: Meghalaya a•doko drugs ba pekatgipa samrangko jakkalani aro niam gri badingsrukanirang batroroengani gimin, a•doko drugs jakkalaniko bon•atna gita Sombar salo, Meghalaya a•dokni Chief Minister Conrad K Sangma-ni dilanichi dingtangmancha Anti-Narcotics Task Force (ANTF)-ni tom•aniko ong•atenba chanchirimangaha. Ia tom•anio, a•dokni Deputy Chief Minister Prestone Tynsong, Health Minister Ampareen Lyngdoh, Education Minister Rakkam A Sangma, Social Welfare Minister Paul Lyngdoh, Director General of Police (DGP) Idashisha Nongrang aro dingtang dingtang sorkari officer-rangba bak ra•angaha.
Ia tom•anio a•dokni Chief Minister Conrad K Sangma, tom•anio bak ra•giparangna aganprakengon, a•doko drugs jakkalaniko bon•atna gitade, pilakni gitan apsan ja•kuko de•na nangenga aro ANTF-ba nangchakegipa department ge•anti baksa apsan chanchirime, ja•kurangko de•na nangenga ine ku•pattianiko on•angaha.
Drugs jakkalbatgipa biaprango mongsonggipa project-rangko ra•gate kamrangko ka•china gitaba ua ANTF-na ku•pattianirangko on•angaha.
Drugs badinggipa manderangni kosako bilake ja•kurangko de•china police-rangko aro ANTF-ko didiangengon, drugs jakkalgipa manderangko nirok sandianio aro sanna bananirangko on•anio bakrime kamko ka•china gita Chief Minister, Health aro Social Welfare department-na ku•pattianiko on•angskaaha.
Drugs ba pekatgipa samrangko jakkalani bidingo mikrakataniko on•anio Education department-ni dakna nanggni kamrangkoba ia tom•anio Chief Minister agan-talate on•angaha.
Na·simang ia video-koba nina man·gen:
Na·simang iakoba poraina man·gen: Tura-o Polio Immunisation-ko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
