Shillong, May 20: Shillong songjinmani Mawlai jolrango drugs ba pekatgipa samrangko jakkalgipa manderangko simsak nirokna gita a•dok sorkari, gong lak 15.65 tangkarangko gnigipa instalment dake, Mawlai Town Dorbar-na on•ataha.
A•doko pekatgipa sam jakkalaniko champengna aro sam jakkalenggipa manderangko nirok sandie namatpilna gita ia Mawlai Town Dorbar-an skanggipa institute ong•ahachim.
Ia tangka paisarangko a•dok sorkari, DREAM project-ni ning•o Mawlai Town Dorbar-na chame on•ataha aro ia tangkarangko a•dokni Social Welfare Minister Paul Lyngdoh an•tangan pakwate on•ataha.
Ia tangka paisarangko Mawlai Town Dorbar-na chame on•atani bidingo talataniko on•angengon, Dream project-ni ning•o skanggipa instalment-o gong lak 6 tangkarangko re•anggipa bilsini November jao Mawlai Town Dorbar-na on•ataha aro da•o gnigipa bako gong lak 15.65 tangkarangko chame on•atskaenga ine Lyngdoh parakataha.
Lyngdoh-ni aganani gitade, ia Mawlai Town Dorbar, sak 30-mangni gita drugs jakkalgipa manderangna dongchakanirangko on•e simsak nirokanirangko on•enga aro a•dok sorkarini dakchake on•anichi ia manderangko namatpilna gita agan-ku•pattianirangkoba on•enga.
Meghalaya a•dok gimiko lak 2.5-na baten sam jakkalgipa manderang donga ine talataniko on•angengon, iandake a•doko drugs ba pekatgipa samrangko jakkalenggipa manderang batrorobaengani giminsa a•dok sorkari, Police aro Home department baksa nangrime DREAM mission-ko ra•gataha aro ia project-ni ning•o sorkari, dingtang dingtang gittimni dilgiparang, toromko dilgiparang aro a•doko songdongenggipa manderang baksa drugs jakkalaniko bon•atna kamrangko ka•enga ine Social Welfare Minister parakataha.
Drugs-rangko gipin biaprangonikosa a•dokona niam gri badingsrukbaengani gimin drugs badingsrukaniko champengna gita a•dokni mongsonggipa entry point-rango Anti-Narcotic Task Force (ANTF)-rangko mangrakbatatna nangenga ineba Lyngdoh aganaha.
Na·simang ia video-koba nina man·gen:
Na·simang iakoba poraina man·gen: Ri Bhoi a•jao bank-oniko cha•una jotton ka•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
