Tura, April 16: April 19 tariko MP electionko nichaksoengon, pu·ongiparangna dingtang dingtang u·i-ma·sianirangko on·na gita April 15 tariko Dul Doka ine programko Turao ong·ataha. Skangni salrango anti a·kangrango dul doke jinmana u·iataniko on·ako ja·rike ia programko Dul Doka ine mingaha, aro electiono nambate bak ra·na u·i-ma·sianiko on·na miksonge ia dul dokako ong·ataha. Dul dokao bang·a manderangan tom·bae knatimtokaha.
Systematic Voters Education and Electoral Participation (SVEEP)ni bak ong·e Dul Doka programko ong·ataha, jekon West Garo Hills District Administration aro A·chik Theatre Group bakra nangrime CEO, Meghalaya ong·ataha.
West Garo Hillsni Deputy Commissioner, Jagdish Chelani, programo mongsonggipa sokgipa ong·e, April 19 tariko pilakan ong·kate pu·ontokchina didianiko on·aha. Re·anggipa bilsini electionode Turani badiaba biaprangon pu·ongiparang namen komiani gimin, ia chango chu·gimik ong·kate on·skachina gitaba ua didianiko on·aha.
Pu·onani salo sakantini gamchataniko aro dakna nanggniko Mothers’ Union-ni Secretary Sume B Sangma aganaha. Dilgipa ong·ani dingtang dingtang gunrangko agane, ia chango dilgipako mikkang ki·sang chanchie nama bewalo seokchina ua didianiko on·aha.
Districtni officialrang, SVEEP campaign-ni manderang aro Turani mongsonggipa manderangba programo bak ra·tokaha. Election-ni ku·torearangko sea gnanggipa robolrangko sokgiparangna aro bak ra·giparangna sualtokaha.
Na·simang ia video-koba nina man·gen:
Na·simang iakoba poraina man·gen: U•ina man•gijagipa mande saknaatako man•e sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
