Shillong, April 22: Tura Balonggre-o ong•anggipa a•sel jeon daldrobaenggipa dambe me•chik bi•sa sakgni bilongbee saknaako man•ahachim, uni bidingo dingtang dingtang dolni dilgiparang,West Garo Hills-ni District Administration-ko Tura-ona re•bagipa jrea mal bosturangko salgipa dumper truck-rangko somoi gri napbaaniko champengatna didianiko dakangaha.
Sambar salo ia ong•anggipa obostani bidingo, GSU, FKJGP, AYWO, ADE aro FAF dolrang, takarake ja•ku de•aniko dakchina West Garo Hills-ni Deputy Commissioner-na memorandum-ko on•angaha.
WGH-ni Distric Administration gitcham Pravin Bakshi-ni on•gimin ge•etani gitaTura-ona napbagipa ba Turako nappake re•gipa ramarangko pring 7 bajioni attam 7 bajiona don•tongataniko dakchina uamang didianikoba dakangaha.
Saknaako man•giparangna authority-ni gita sanna bannaniko aro saknaa man•gipani nokdangrangna ka•sae on•pilskaaniko dakchina gitaba ia dolrang dabianiko dakangkuaha.
Tura jillani, taraken dalrorobaenganiko nigrikenba, district administration Tura aro uni wilwilao donggipa biaprango Truck-rangni re•ruraaniko champengatna gita, stoppage point ba don•tongatram biaprangko chongmotan, Baghamara/ Dalu/Chokpot-rangoni re•baenggipa truck-rangko neng•takatna Darengre-o, Paikan/ Krishnai/ NGH/ EGH-rangoni re•baenggipa truck-rangko Rongram-o aro Mankachar/Phulbari/ SWGH-rangoni re•bagipa truck-rangko Damalgre-o rakkianirangniko dakna gita stoppage point-rangko tarichinaba ia dolrang didianiko dakangaha.
Mikkangchi indakgipa a•selrang ong•genchim ong•oba, mal mattana noksan ong•anirangko komiatna ba janggirangko gimaatna nangjana gita, ia truck-rangni tarake aro nangana bate bostu gatanirangko champengatani giminba ia memorandum-o janapaha
Na·simang ia video-koba nina man·gen:
Na·simang iakoba poraina man·gen: Tripura-o mande aro drugs badingsrukaniko champenganian BSF-na rakbatsranggipa kam ong•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
