Guwahati, Aug 29: Arunachal Pradesh-oni am•sandie nianio sapbegipa dolrang salgnina am•sandie nianiko dakanio Dungchhen Tso-ko tin•kagimin surini chibol ong•ja indiba chi jokanggipa rama ge•sa ong•a ine nikna gita man•aha.
Ia am•sandie nianiko dakgipa dolrang, ia jokanggipa chirangni gipin chonbatgipa chibolrangona jokangskaenba bon•kamao Nuranang sepango donggipa Tombi Pho-ona jokangskaaniko nikna gita man•aha. Bebe gita Dungchhen Tso-ni chi jokanggipa rama champengatako man•genchim ong•ode ian Tawangchu chibima rikkamo songdonggiparangna kenbegnigipa ong•gen.
Dungchhen Tso ian Bhaggajang jolni chua biapo donggipa dal•dalgipa dam 20 chibolrangoni ian ge•sa ong•paa, jeni bakroanin km 1 mangni gita ong•an baksana ia chibolni wilwilao chonchongipa dam 5 chichangrang gnang.
Tawang aro West Kameng jolo donggipa manderang ia chugipa biapo donggipa chibolrangko rongtalgipa ine bebe ra•enba toromo bebe ra•giparang ia biapona re•angronga.
Re•anggipa August jani 26 tariko, India-ni National Disaster Management Authority-ni gita simsake dongchina ku•pattianiko man•e, Tawang-ni District Disaster Management Authority-ni dolrang, Deputy Commissioner Kanki Darang-ni dilanichi, Dungchhen Tso-o tin•kagimin surini chibolrangni chirang jokprakbaenggipani chongmot a•selko u•ina gita 2-gipa changna re•ange nianiko dakataha.
Ia re•ange nianiko dakgipa dolrang chong•motan, Tawang-ni Superintendent of Police (SP) DE Thongon, Additional DC Jang Hakraso Kri, Circle Officers Khoda Oniya aro Tage Moonya, AE WRD Jang Kago Kani, Tawang-ni DDMO, Genden Tsomu, biaprangko re•roroe nianio dakdilgipa Jambey Dondu, Choikyong Gombu songni nokma Jang Yuthembu, TOT AAPDHA Mitra, Tshering Wangchu baksana Indian Army aro 38th Battalion Sashastra Seema Bal-ni dilgiparang, Tawang-ni DIPRO aro gipin official-rangba Bhaggajang-o August jani 26 tariko waltuaniko dakangaha.
Indake August jani 27 tarik pringni, Tawang-ni SP aro Additional DC Jang, uamangni dolrangko Dungchhen Tso-ni 4500 mangni gita chugipa a•bri ku•chotona doaniko dakdilangaha.
Na·simang ia video-koba nina man·gen:
Na·simang iakoba poraina man·gen: Technoxian World Cup 2024-ni Bot Combat Challenge-o Meghalayani USTM chebaa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
