Shillong, Aug 26: Chang 133-gipa Durand Cup 2024 kal•susaaniko Shillong-ni Jawaharlal Nehru Stadium-o Sombar attamni 5 bajioni Shillong Lajong FC aro NorthEast United FC baksa skanggipa semi-final kal•susaanio, NorthEast United FC 3-0 goal-rangko man•e Shillong Lajong FC-ko amatenba, skanggipa changna Durand Cup final-ona sokdona man•aha.

Ia Durand Cup-ko skanggipa changna 1888 bilsio ong•atchengaha aro ian Asia-o gitchambatsranggipa aro a•gilsak gimiko gitchambatsranggipa kal•susaanirangoni 5-gipa ong•a.

Ia bilsio, Shillong Lajong FC, India-ni nambatsranggipa robol kal•gipa dolrang jekai Kolkata Giants aro re•anggipa bilsio 2-gipa gadangko man•gipa East Bengal FC-ko amatan baksana 2021 bilsini Durand Cup aro ISL-ko chegipa Goa FC-ko amatgenchimoba, skanggipa semi-final kal•susaanio NorthEast United FC-ni jako amatako man•skaaha.

Ia North East Derby-an, Jawaharlal Nehru Stadium-o kal•susaaniko ong•atgiparangoni  ge•sa aiao inmanpilgipa aro an•saobegipa kal•susaani ong•aha, jeon a•dok chigatangoni doltangna chakna re•bagipa sak hajal ni hajal manderangko nikna gita man•aha.

Shillong Lajong FC dolni gitcham captain Redeem Talang, jean da•o NorthEast United FC dolna kal•aniko dakengachim, uni re•bapile uko mande ong•atgipa club baksa mikkangchakgrike kal•susae cheaniko man•aniara gisik ra•na krabegipa kal•susaaniba ong•aha.

Ia Durand Cup 2024 bilsini skanggipa semi-final-o chusokaniko man•gipa NorthEast United FC dol, 2-gipa semi-final kal•susaanio chegipa dol baksa final-o kal•susaaniko dakanggen.

Na·simang ia video-koba nina man·gen: 

Na·simang iakoba poraina man·gen: Bihari Mahila Social Welfare Society cholgri me•chikrangna aro bi•sarangni dakchakaniko on•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.co

m/@NortheastMediaHub2020

Instagram- https://www.instagram.com/ne_media_hub

For news & updates, Download Hub News App from Google playstore