Shillong, August 23: Shillong Lajong FC aro North East United FC baksa Durand Cup semi-final kal•susaaniko sombar salo ong•atna siengon, robol kal•aniko namnikgipa aro uamangna chakpagiparang ticket-rangko brena gita a•dokni dingtang dingtang biaprangoni Shillong-ona re•bana nangjana gita Khasi-Jaintia Hills-ni pilak a•jarangon ticket-rangko palna tik ka•angaha.
A•ja gimikon ticket-rangko palani bidingo, Sports and Youth Affairs-ni Minister in charge, Shakliar Warjri Sukrobar salo parakatan baksana ticket-rangko Sonibar saloni brena gita man•gnok ineba u•iatangaha.
Doctor-na poraienggipa me•chik saksako til•ekdraenba so•otgalani bidingo jegalaniko dakengani gimin, Kolkata-o ia kal•susaaniko ong•atna tik ka•giminko Shillong-ni JN Stadium-ona apjitatskaaha. Iani gisepon, Shillong Lajong FC-na chakpagiparangnade ia apjitatani koborara kusini ong•skaaha.
Koborrangko man•soani gitade, Shillong-ni bang•a biaprangosan ong•aigija a•dokni dingtang dingtang biaprangoba dal•dalgipa screen-rangko dongen jedakode robol kal•aniko namnikgiparang ia robol kal•susaaniko live nina gita man•gen.
Iani gisepon, a•ja gipinrango ticket-rangko palna tik ka•aniara, quarter-final kal•susaani ticket-ko 100-na palgipako 1000-na palani gimin robol kal•aniko namnikgiparang ding•chaoenba authority-ni manderangko ticket-rangko breenba dam bate paltaigiparangni kosako ja•ku de•aniko dakchina u•iataha.
Robol kal•aniko namnikgiparang Shillong-ona quarter-final-ni ticket-rangko brena gita re•baahachim indiba umang ticket-rangko brena gita man•jaha, uno mitingsa ticket-rangko breenba dam bate palgipa manderang uamangko ticket nangode brena gita man•gen inenba ticket-ni chong•mot damna gadang 10 bate brena gita on•aha. Quarter-final-ko nina gita iana agre chol dongjaenba bang•a manderang dam bate ticket-rangko ra•na nangao ga•akaha.
Indake ong•engon, Shillong Lajong FC aro North East United FC-ni gisepgriko semi-final kal•susaanian Shillong songjinmao dal•batgipa Derby kal•susaani ong•gen ine ka•dongsoenga, maina Durand Cup ian ge•sa gitchambatgipa aro a•songni mingsinggipa tournament-rangoni mingsa ong•a.
Battanggimin kal•susaanio sak 14,988 nina re•bagipa manderangko nikna gita man•aha aro ia kal•susaaniko a•bachengatna skang konta 5 dongon ticket-rang bon•changpilahachim.
Na·simang ia video-koba nina man·gen:
Na·simang iakoba poraina man·gen: Drugs jakkalaniko champengna ‘Yuva Bhaagidari’-ko NCC a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
