Shillong, Aug 25: Robol kal·ako nina namnikgiparangni ka·oksie sengsoenggipa Durand Cup 2024, jeon Shillong Lajong FC aro North-East United FC-ni gisepo kal·ani ong·gen, manderangko namen cha·suata, aro uko nina tikkit pala dikdiksani gisepon sringsrang bon·angaha.
Ia semi-final kal·ani knalo Shillongni J.N. Stadiumo ong·enga.
Department of Sports and Youth Affairs-ni aganani gita, Sukrobar salo online palgipa Phase 1 tikkitrang minit 6ni gisepon bon·tokaha. Sonibar salo offline tikkitrangko Laitumkhrah, Polo, aro Police Bazar-o donggipa palchakramrango palaha. Tikkit palanio dakchakdapna gita U Soso Tham Auditorium-oba biap tarie donaha.
“Semi-finalna tikkit online aro offline palanirang gimikan bon·rok bon·tokaha, stadium-o chaka dipetde palaha” ine Department of Sports and Youth Affairs parakataha.
Semi-final kal·anio tom·tome chu·sokna gita East Khasi Hillsni Deputy Commissioner, magistraterang, police dol aro ua jolni Dorbar Shnongni dakchakanirangko ra·enga.
J.N Stadiumo sak 15,000san chakaia. Uano tikkit man·gijagiparangna nina man·a gita Shillong aro districtrangni skotong songjinmarango Fan Park-rangko dongen ine a·dok sorkari u·iataha.
Shillongo Fan Parkrang iarango donggen:
- Mawlai Madan Heh (Stadium)
- R.V. Lyngdoh Parking Lot (opposite Golf Retreat)
- Malki Ground
- Umpling Maw-arling
- Laitumkhrah Police Point Parking Lot
- NEHU Campus
Fan Parkrango kal·aniko robol kal·mitingko aro Meghalaya Grassroots Music Programni gita git ring·anirangko nisona man·gen; stadiumon nienga gita an·sengatna tarianirang donggen.
Durand Cup-na pilak kal·anirangkon SonyLiv OTT aro Sony Sports 2 & 3 channelrango watengani gimin noko dongeba niksona man·gen.
Na·simang ia video-koba nina man·gen:
Na·simang iakoba poraina man·gen: Dhing songni manderang til•ekdragipa mandeni manggisiko jinma baksa gopna on•jawa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
