Shillong, Oct 24: Mongolbar salo, Durga miterangko galenba Meghalaya a·dokni dingtang dingtang biaprango Durga Puja manianiko matchotataha.

Shillong-o Durga miterangko pangna galrongenggipa Polo-ni Wah Umkhrah chiringo galaha aro Tura-oba Durga miterangko Babupara gita jokbaenggipa Rongkhon chiringo galskaaha.

Durga miterangko galna skang, a·dokni pilak biaprangon Hindu bebera·giparang, an·tangtangni pandal-rangoni miterangko ra·enba, mite galram biapona re·jomangtokaha.

Jowai-o Durga miterangko Iawmusiang-o donggipa Shiv Mandir-oniko ra·e Syntu Ksiar-ona re·jomangenba galaha aro jinma re·jomanio Hindu bebera·giparang, kilometre 4-mang ong·gipa rama gimik chrok mesajoljolangtokaha. Miterangko galani ja·man, chiringko rongtale rakkina gita miterangko chioniko ra·ongkate galaha.

East Jaintia Hills a·jani dingtang cement karkanarang, jekai Wahiajer-o donggipa TopCem Cements Ltd, Dalmia Cement aro Lumshnong-o donggipa Star Cement-oba mite galanirangko nikna man·aha.

Williamnagar-oba apsan daken, Hindu bebera·giparang, re·anggipa Sonibar salonin kusi ong·bee ia Durga Pujako maniangaha aro Mongolbar salo miterangko gale, ia manianiko matchotataha.

Williamnagar-o Durga Pujako maniani bidingo Hub News baksa agangrikengon, ia chango pujako maniani namen an·sengbataha ine Durga Pujako manidilgipa manderang parakataha.

Durga Pujako tom·tome manina man·ahani gimin uamang district administration aro jolo songdongenggipa manderangkoba mittelpilataha.

Iakoba poraie nina man·gen: Durga Puja manienggipa pandal-rangko Dy CM niea

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub