Shillong, Mar 21: Meghalaya Legislative Assembly-ni Deputy Speaker Timothy D Shira-ni gong crore 100-na defamation case ka•gipa youtuber sakgniko kachario mikkangpaechina gita Shillong-o donggipa Assistant District Judge-ni kachari ge•etaniko on•ataha.
Tura-ko Winter Capital songchina dabienggipani bidingo uni Assembly-o agananiko ia youtuber sakgni, ong•gija dake social media-o manderangna parakskaaha ine matnangenba Mikkanchi R Sangma aro Balsrang Marak minggipa youtuber sakgnini kosako Assembly-ni Deputy Speaker, re•anggipa March 12 tariko, gong crore 100-na defamation case ka•aha aro uandaken ia youtuber sakgniko re•baenggipa May jani 9 tariko, Shillong-o donggipa Assistant District Judge-ni kachario mikkangpaechina kachari ge•etaniko on•ataha aro uamang kachario mikkangpaejagenchimode, uamang gri ia case-ni bidingo hearing-ko dakangskagen ine parakataha.
Kacharioni ge•etaniko on•atani gitade, ia youtuber sakgnian an•tangtang kachario mikkangpaena nanggen, ong•jaode uamangni kosako matnanganirangko aganchakna gita mol•moltimgipako watatna man•gen.
Matnangako man•gipa manderang, an•tangtangni kosako matnanganirangko ra•chaka ong•ode joljolan raiko on•anggen ineba kachari u•iataha.
Na·simang ia video-koba nina man·gen:
Na·simang iakoba poraina man·gen: BAKRIM-2025, Meghalaya a·dokni songadam biaprango namroro silroroatna dakchaka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
