Tura, June 15: Garo Hills-oba ta·rakbee COVID-19 giproroengon, Mongolbar salo bilsibri ong·gipa me·chik bi·sa saksa East Garo Hills a·jao COVID-19 man·e siangna gita nangaha.
Koborko on·ani gitade, ia bilsibri ong·gipa me·chik bi·sako gipin saanirang baksana COVID man·ahani gimin Williamnagar-o sanengachim indiba rasong gribee ua Mongolbar pringo a·gilsakko watangna nangaha. Ia bi·sani ma·gipaba COVID-na porikka ra·e nianio positive ong·ahani gimin da·o sanna bananiko on·enga ine u·iataha.
Indake ong·engon, da·ororo giproroenggipa coronavirus sabisiara namen kenna nanggnigipa ong·a ine East Garo Hills a·jani Deputy Commissioner Swapnil Tembe parakatenba, manderangko mikrakbate dongchina, COVID-ni tikarangko su·e ra·china aro sorkarini dongimin niamrang, jekai mask-rangko gannani, saksa sakgipinoni chel·tanggrike dongani, jakrangko rongtale rakkiani aro uandakgipa niamrangko ja·rikchina gita manderangko didiataha.
COVID-ni chinrang donggenchimode ta·raken hospital-rangona re·bae doctor-rangko grongchina aro man·a dipet bi·sarangko jinmani biaprang, jekai bazar aro uandakgipa biaprangona rimjachina gitaba East Garo Hills a·jani DC didiataha.
