Khliehriat, April12: East Jaintia Hillsni Saipung C&RDni ning·o donggipa song Mooriap minggipao Border Outpostko sukrobar salo oprake on·angaha.
Ia BOP ko oprake on·ani salo MLA Santa Maryba dongpae kusi ong·paani kattako jinmarangna aganaha. “Ia BOP ko donanichi Moriap song aro wilwilao donggipa dingtang songrang jekai Umkyrpong, Lakasein, Samasi, Mynthlu aro gipin songrangna naljokani ong·gen. Iako songe on·china ru·uta salrangonin songdongenggipa manderang senge dongengachim, indiba da·alosa ia bimang pil·na man·aha. Unigimin anga Police dolrangko aro District Administration ko mittelbea” ine MLA aganaha.
Deputy Commissioner Shivansh Awasthi tom·ao dongpae BOP ni bil aro dakna nanggnirangni bidingo aro songdongpaenggiparangni bakrimpaaniko nanga ine aganaha. Dingtang dingtang sil-roro-namroroanina dakchakanina jolni MLA mittelpilskaaniko janapaha. A·dokni skotong minister Conrad K Sangma Police Infrastructure Renovation Fund (PIRF) chi dakchakbeaniko on·ahanigimin mittelpilskae aganaha.
Tom·anio MDC Langstang, Public Prosecutor S. Pdang, Sumer K Mannar aro gipin dilgiparangba dongpaaha.
Na·simang ia video-koba nina man·gen:
Na·simang iakoba poraina man·gen: Sherwood aro Tura Public Skul kal·susaaniko ong·atanio name dakaha.
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
