Shillong, July 6: East Khasi Hills a·jani ning·ogipa Mahadev Khola jolo gipinchini re·bae niam gri songdongenggiparangni bidingo niroke kamrangko ka·atchina gita mol·molenba, Khasi Students’ Union (KSU), Bristibar salo, East Khasi Hills-ni Divisional Forest Officer-ni office-o badi ka·doangaha.

Ia mamlani bidingo adita salrangna skang union-ni parakatani gitade, batanggimin 1923 bilsio Mahadev Khola-o Hindu-rangni olakkiram mite nokko rikchinasa Forest department a·ako on·ahachim, a·palchini gipin jatrang re·bae skatang dongechina ong·ja.

Ua jolo songdongenggiparang chu·onga gita lekkarang grisa dokanrangko dakenga, aro gipin jatrarasa ua biapo nokdang ge 30 oni 40-rangona kingking dongtokenga ine KSU a·kangataha. Unbaksana, uamangni songdongenggipa biapara kanggimin buring-bolgrimni a·ja ning·osa ong·ani gimin ia mamlako nirokatna gita dorbar shnong-o bilrang dongja ineba union janapatjolaha.

Iasan ong·aigija, ua biapo songdongenggiparang jabolrangko skatang galenganichi sambao donggipa chiring-chibisikrangna rongtalgija ong·atenganiko nikna man·anikoba union parakatan baksana, ra·seke ra·ani bidingo dingtang dingtang mamlarangko batanggimin somoio segatgiminrang dongani gimin, pekatgipa samrangko jakkalanio nangchape ong·gijagipa kamrang ua biapo ong·enganikoba union matnange aganangkuaha.

Iakoba poraie nina man·gen: Phulbari jolo drugs baksana mande sakgniko rim•a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub