Shillong, Apr 9: Manderangni nanganirangko aro neng•nikanirangko ma•sie ra•na gita Budbar salo, Meghalaya a•dokni Chief Minister Conrad K Sangma, East Khasi Hills a•jani Mawkynrew Block ning•o donggipa Jatah songona re•angaha aro Syntung songo donggipa Rashi Waterfalls Tourism Complex-koba niangjolaha.
Chief Minister-ni re•ange songni manderang baksa agan-chanrimanio Jatah Integrated Village Cooperative Society (IVCS), dingtang dingtang self help group (SHG)-rang aro Village Organisation (VO)-rangba dongpae bak ra•angtokaha.
Jatah Nonglyer songni Childrens & Adolescents’ Library-o songni dilgiparang aro jolo songdongenggipa manderang baksa a•dokni Chief Minister, tom•e agan-chanchirimengon, pilakni gitan namroro silroroaniko ra•bana sorkarini ka•enggipa kamrangni gimin janapangenba, a•dokni pilak kona noksikrangonan namroro silroroani sokna nanga ine aganaha. Songko nokko dilenggiparang, SHG-rang IVCS-rang aro sorkari department-rangni gisepo ku•cholsan ong•e kamko ka•anichisa songsalo namroro silroroaniko ra•bana man•a ineba ua aganaha.
Songsalni kamrango chadamberangko aro me•chikrangkoba gisiko nange bak ra•china didiangengon, an•tangtangni songko nokko namdapatna gita dingtang dingtang sorkari project-rangko jako ra•e ka•china Chief Minister didiangaha.
Syntung songo a•dokni Chief Minister-ko Syntung Village Dorbar, Wah Rashi Waterfalls Tourism Complex-o mande ra•bee rimchaksoaha aro ia biapo ua songni dokgipa dam•giparang baksa doka dam•anioba bak ra•angpaaha. Ia dokgipa dam•gipa dolna a•dokni Chief Minister, dingtang dingtang doka dam•ani bosturangko brena gita gong lak 5-ko on•na gitaba parakataha.
Syntung songo ua strawberry bagankoba niangaha aro songni manderang baksa agan-chanchirimangengon, sorkarini ra•gate on•enggipa namgnirangko ra•china ku•pattianirangko on•angaha.
Syntung Sub-Centre-koba a•dokni Chief Minister niangjolaha aro ia jolrango songdongenggipa manderangna an•seng baljokaniko on•na kamrangko ka•engani gimin ia sub-centre-o kam ka•enggiparangkoba mittelpilangaha.
Syntung UP School-koba ua re•ange nieaha aro skulo poraienggipa chatro chatrirang aro skigiparang baksaba agan-golpogrikanirangko dakangaha.
Doka dam•ani bosturangko brena gita Chief Minister’s Special Development Fund (CMSDF)-ni ning•o ua gong lak 3-ko on•na ku•rachakaniko on•angaha aro skulko namdapatna gita tangka paisarangko dakchake on•naba ua ku•rachakaniko on•angaha.
Na·simang ia video-koba nina man·gen:
Na·simang iakoba poraina man·gen: CRPF North East Sector-ni gital Inspector General-na Anshuman Yadav-ko seokpiltaia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
