Shillong, Feb 20: Khasi Hills Autonomous District Council (KHADC) election-ko Sukrobar salo ong•atengani gimin East Khasi Hills a•jaoba ia election-ko name matchotatna gita pilak nanga kamrangko ka•soaha.

East Khasi Hills a•jani Additional Deputy Commissioner (ADC) Election In-charge Ronnie Wahlang-ni parakatani gitade, ia election-ko tom•tome aro name matchotatna pilak officer-rang aro gipin kam ka•giparangba rakbee kamrangko ka•sotokaha.

Election-o jakkalna nanggipa bosturangko, East Khasi Hills a•jani ning•o donggipa dam 13 constituency-rangnade Mawlai-o donggipa ISBT-oni sualataha aro unbaksana Sohra aro Pynursla Sub-Division-rangoniba gipin constituency-rangna sualatskaaha.

Mawphlang, Mawkynrew aro Nongkrem District Council constituency-ni ning•o donggipa dam 13 polling station-o kamrangko ka•na donatako man•gipa polling party-rangde Bristibar salon re•chakatangtokaha aro bangki dam 720 polling station-o kam ka•na donatako man•gipa polling party-rangde Sukrobar pringo, ISBT-oni re•chakatangskagen ineba Wahlang aganaha.

Election-ko ong•atanio, election official-rangna naljokaniko on•na aro name agangrikna man•na gita pilak nanga ja•kurangko de•manaha ineba ua aganaha.

Election-ni kamko ka•na donata man•gipa sorkari official-rangna postal ballot gita pu•onna dingtangmancha ISBT-o postal ballot cell-ko donaha ineba East Khasi Hills a•jani ADC aganaha.

Ia election-ko tom•tomao aro nama bewalo matchotatna man•gen ineba ua an•tangni ka•dongchakenganiko parakataha.

Na·simang ia video-koba nina man·gen:

Na·simang iakoba poraina man·gen: Advantage Assam 2.0 Summit-ni bidingo Assam CM talata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub