Shillong, Sep 19: Bristibar salo, Meghalaya a•dokni Chief Minister Conrad K Sangma, Early Childhood Development (ECD)-na Guidelines for Monitoring Childhood Development (GMCD) Tool-ko Shillong songjinmani Courtyard Marriott-o a•bachengate on•angaha aro ia program-ko ong•atanio, Health department-ni Principal Secretary Sampath Kumar, Social Welfare department-ni Director Camelia Doreen Lyngwa aro gipinrangba dongpae bak ra•angaha.
Ia GMCD tool-ko a•bachengate on•anganio a•dokni Chief Minister, tom•anio bak ra•giparangna aganprakengon, bi•sarangni dal•drobaanio maikai gisikni aro be•enni gita dakchakanirangko on•na nangachim, uarangni gimin aganangenba, ia niamrangan bi•sarangko nirok sandianio bang•a dakchakanirangko on•gen ine an•tangni ka•dongchakenganiko parakataha.
Bi•sarangni dal•drobaanio gisik aro be•enni gita nirok sandianirangko on•anio bang•a manderangan bak ong•engani gimin ia niamrangko ra•gataniara dakchakani ong•gen ine janapatengon, chadamberangko a•songni bil dake jakkalna man•na gita atchiaonin bi•sarangko namao dal•atna nambate nirok sandianirangko on•na nangenga ine Chief Minister aganaha.
Atchidaldal bi•sarangnasan ong•aigija ma•giparangnaba sorkarini a•bachengatgipa kamrangni gimin janapatskaengon, 2022 bilsini March jao Chief Minister’s Safe Motherhood Scheme (CM-SMS) program-ko a•bachengate a•doko atchidaldal bi•sarangni aro an•pakani somoirango ma•giparangni sianiko komiatna gita rakbee kamrangko ka•enga ine Sangma aganaha.
Na·simang ia video-koba nina man·gen:
Na·simang iakoba poraina man·gen: Shillong-oba ISL-ni robol kal•susaaniko sokachakgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
